Premiere night ng Meet Me In St. Gallen dinagsa ng mga celebrity
DINAGSA ng maraming sikat na bituin ang celebrity screening ng pelikulang Meet Me in St. Gallen last Tuesday sa Trinoma Cinema-7. Kabilang sa mga celebrity na namataan namin doon sina Piolo Pascual, ang Kapuso actress na si Maine Mendoza, Robin Padilla, Yassi Pressman, Angelica Panganiban, Xian Lim, Iñigo Pascual, Direk Paul Soriano, Moira dela Torre, Direk Joyce Bernal, Jessa Zaragoza and Dingdong Avanzado, at marami pang iba.
Siyempre ay present that night ang mga bida ng pelikula mula Viva Films at Spring Films na sina Bela Padilla at Carlo Aquino, plus ang director nitong si Irene Villamor.
Base sa reaction ng mga celebrity audience na dumalo sa nasabing event, pinahanga raw sila sa galing nina Bela at Carlo. Kaya highly recommended nila ang pelikulang ito.
Isa sa celebrity na pinagkaguluhan nang husto sa successful na event ang Kapuso actress na si Maine Mendoza. Dumating si Maine sa Trinoma kasama sina Sheena Halili at Juancho Trivino, na mga co-star niya sa dating TV series ng GMA-7 na Destined To Be Yours. Si Direk Irene ang director ng naturang teleserye.
Base sa short interview namin kay Main, sinabi niyang, ”Maganda, ang ganda ng movie, totoo ito.”
Incidentally, congrats sa bumubuo ng pelikulang Meet Me in St. Gallen na showing na last February 7 dahil Graded-A ito ng Cinema Evaluation Board.
ALAM MO NA!
ni Nonie Nicasio
