Thursday , January 20 2022

Asuntong Libel harassment sa tatlong beteranong mamamahayag sa Quezon

KAPAG hindi kayang patahimikin, asuntong Libel ang itatapat para makatikim ng hoyo.

Nagiging talamak na ang ganitong kalakaran.

Kapag hindi kayang patahimikin ang mga mamamahayag sa pagtuligsa sa katiwalian, Libel is the game.

Ang pinakahuling nakaranas nito ay tatlong beteranong mamamahayag na nakabase sa Quezon na sina Guillermo ‘Gemi’ Formaran ng Journal Group; Juanito ‘Johnny’ Glorioso ng dzMM, at Rico Catampungan ng dzEC- Eagle Broadcasting Corp.

Ang tatlong beteranong mamamahayag ay nahaharap sa multiple libel charges na inihain ng kinikilalang pinakamakapangyarihang political family sa Quezon province sa pangunguna ni House Minority Floor Leader at Quezon 3rd District Rep. Danilo Suarez.

Inaresto ang tatlo, sa bisa ng arrest order na ipinalabas ni Quezon City Regional Trial Court Branch 58 Judge Juris Dilinila-Callanta, sa pamamagitan nina Tayabas City police station na pinamumunuan ni S/Insp. Romar Pacis.

Inaresto sina Formaran, Glorioso at Catampungan dakong 7:10 am, matapos ang kanilang public affairs program na “Usapang Lalaki” na umeere sa dalawang local television at limang radio stations.

Hindi tumutol ang tatlo sa pag-aresto sa kanila at sumunod sa pangkaraniwang proseso pero pagkatapos ay naglagak ng piyansa sa Tayabas Municipal Trial Court sa ilalim ni Judge Lourdes Casco. Nakalaya ang tatlo dakong 2:30 pm.

Bukod sa mambabatas, ang tatlo ay sinampahan din ng kaso ng ina at anak ni Suarez sa Makati City at Quezon City.

O ‘di ba? Matinding harassment…

Wattafak!

Tayo man ay nakaranas ng ganyang harassment at hanggang ngayon ay patuloy tayong lumalaban sa pamamagitan ng pagdalo at pagtatanggol sa ating sarili sa korte.

Isang malaking bagay na mayroong isang National Union of Journalists of the Philippines (NUJP) na laging handang umalalay at magtambuli sa mga nagaganap na harassment laban sa mga mamamahayag.

Ang NUJP po ang naglabas ng pahayag nang ang inyong lingkod ay arestohin sa NAIA noong 5 Abril 2015.

Gaya rin ng ginawa nila ngayon sa kaso ng tatlong beteranong mamamahayag.

Ibig sabihin, hindi po nagpapabaya ang NUJP, organisado at ang tunay na pinagkakaabala­han ay mga gawaing makatutulong nang malaki sa mga mamamahayag sa panahon ng pandarahas.

Kudos NUJP!

Walang hanggan po ang aming pasasalamat…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply