Thursday , March 28 2024

Glory days ni Jay Sonza, hindi na maibalik (Karapatan ng mga bata, dapat alam)

MEDYO nakagugulat lang pero walang masama.

May kaugnayan ito sa isang tsikang aming nasagap tungkol sa retirado nang brodkaster na si Jay Sonza.

Bago namin ipagpatuloy ang aming kuwento, lilinawin na nagsimula ito sa isang blind item pero tukoy na tukoy naman ang pagkakakilanlan ng male subject, si Ginoong Jay Sonza nga.

Gaano katotoo na hindi lang minsan siyang namataan sa isang kalye sa Quezon City (parteng Roxas District-Roces Ave.) na tila nakaistambay lang? May halukipkip umano siyang mukhang folder, na tinatayang portfolio o resume niya.

Duda tuloy ng nakakita sa kanya, since hindi na aktibo sa larangan ng broadcasting si Jay ay malamang na naghahanap ito ng trabaho. Bale ba, ilang tumbling lang ang lugar na namataan sa rati niyang tahanan, ang ABS-CBN. Pero sa isip-isip ng aming source, may lulugaran pa bang muli roon ang mahusay na tagapaghatid ng balita kung sama-sama na sa estasyon ang mga batikang brodkaster tulad nina Noli de Castro, Ted Failon at kung sino-sino pa?

Eh, ano ba kung subukan ni Jay na mag-apply naman sa GMA? Pero naghahari naman doon ang mga tulad ninaMike Enriquez, Arnold Clavio and the like. Kung interesado man ang GMA news kay Jay, eh, ‘di sana’y noon pa siya hinabol nito.

Sa husay mayroon si Jay sa kanyang larangan ay imposibleng magkumahog siya, mabigyan lang ng trabaho ng kahit aling network sa bansa.

Pero ano nga kaya ang diperensiya kung bakit hindi na maibalik pa ni Jay ang kanyang glory days? Eh, ‘di lalo na siguro ngayon kung kailan “negang-nega” ang dating niya sa kanyang pagpatol sa walang kalabang-labang si Bimby sa social media, ano?

KARAPATAN
NG MGA BATA,
DAPAT NA ALAM
NI JAY

LITERAL na ang spelling o pagbabaybay can spell a lot of difference.

Sa bigla’t mabilis na pagbasa ng isang written word ay maaari itong magdala ng kakaibang kahulugan. Halimbawa na lang ang tinuran ng brodkaster na si Jay Sonza sa kanyang social media account.

Kinuwestiyon kasi ni Jay kung ano na nga ba ang kasalukuyang estado ng pagbabalita. Isinahalimbawa niya ang paghe-headline ng pagkakadulas ni Bimby, anak nina Kris Aquino at James Yap, sa swimming pool.

Mas binigyan kasi ito ng editorial prominence kompara sa pagputok ng Bulkang Mayon at ang isyu sa alleged Dengvaxia scam.

Tinawag ni Jay na “baklaing bata” si Bimby. Take note of the spelling, hindi ‘yon “balang” kundi “baklain.”

Totoong even grammar experts o mga dalubhasa sa balarila will readily notice the difference ng dalawang salitang ‘yon. Pero iisa o root word ng mga ito: bakla.

Translated to English, “gay-ish” ang nais ipakahulugan ni Jay bilang paglalarawan kay Bimby. Or gay-like, not categorically gay o bayot.

Bagama’t nilinaw din naman agad ni Jay ang kanyang post for lack of a better descriptive word, nakatikim na siya ng upak mula sa mga netizen. Iba naman ang estilo ni Kris, inihalintulad niya si Jay sa “baboy” na hindi dapat patulan.

Our take on the issue. Brodkaster si Jay, dapat ay alam niya ang mga karapatan ng mga bata. ‘Di ba, may anak din naman sila ni Mel Tiangco?

(RONNIE CARRASCO III)

About Ronnie Carrasco III

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *