Friday , February 3 2023

‘Passport on Wheels’ sa Caloocan

MAGHAHANDOG ng “Passport on Wheels” ang Department of Foreign Affairs (DFA) sa Caloocan sa 8 Pebrero.

Sa pakikipagtulungan ng tanggapan ni Foreign Affairs Secretary Alan Peter Cayetano at ng Lungsod ng Caloocan sa ilalim ng pamamahala ni Mayor Oscar Malapitan, nagsimula nang tumanggap ng applications simula 25 Enero hanggang 2 Pebrero 2018.

Ang mga aplikante ay maaaring kumuha ng application form sa City Registrar’s Office sa ika-6 palapag ng Caloocan City Hall na matatagpuan sa kanto ng 8th Street at 8th Avenue, East Grace Park sa naturang siyudad.

Ang CRD ay nasa ilalim ng pamumuno ni Gng. Lucena Flores na siyang DFA-LGU coordinator.

Ayon kay Malapitan, ang deadline ng pagsusumite ng application forms ay sa 2 Pebrero at ang pagpoproseso ng mga dokumento para sa passporting ay sa 8 Pebrero simula 8:00 am hanggang 5:00 pm sa ikatlong palapag ng Bulwagang Katipunan, Caloocan City Hall.

“Ang CRD ay hindi na tatanggap ng mga application makalipas ang Pebrero 2. Maging ang mga walk-in applicant ay hindi rin i-entertain sa February 8,” ayon kay Flores. “Iyon lamang mga nakapagsumite ang ipo-proseso at mahigpit itong ipatutupad,” dagdag niya.

Gayondin ang susunding iskedyul para sa mga magpapa-renew ng passport.

Habang ang mga aplikanteng residente sa North Caloocan ay maaaring kumuha at magsumite ng application form sa 2nd Floor, Social Development Center Building, North City Hall Compound, Zapote Road, North Caloocan.

Mahigpit na iniutos ni Mayor Malapitan na panatilihin ang kaayusan sa araw ng pagpoproseso ng passport sa 8 Pebrero.

Ipinaalala ng tanggapan ni Mayor Malapitan na ang mga magsusumite ng application forms at requirements sa CRD ay “hindi kailangang kumuha ng online appointment sa DFA.”

Ang DFA ang magsasagawa ng final evaluation, interview, photo, fingerprinting at processing sa 8 Pebrero, ayon kay Flores.

Ang passport application fee ay P1,200 at P150 para sa delivery fee ng processed passport na babayaran mismo sa DFA personnel sa 8 Pebrero. Walang tatanggaping bayad ang CRD, dagdag ni Flores. (JUN DAVID/ROMMEL SALES)

About hataw tabloid

Check Also

Maria Susana Va Ople Blas Ople

Sa ika-96 na anibersaryo ng kapanganakan ni Ka Blas
Department of Migrant Workers dadalo

Kaisa ng Pamahalaang Panlalawigan ng Bulacan si Sec. Maria Susana V. Ople ng Department of …

Bulacan Police PNP

Sa Bulacan
5 DRUG TRADER, 5 WANTED SWAK SA KALABOSO

NASAKOTE sa pinaigting pang operasyon ng pulisya nitong Martes, 31 Enero ang limang pinaniniwalaang mangangalakal …

arrest posas

Wanted manyakis nasakote sa Bocaue

Arestado ng mga awtoridad ang isang lalaking matagal nang pinaghahanap ng batas dahil sa kasong …

ronald bato dela rosa pnp

Smuggling ng mamahalin, de-kalibreng baril ikinabahala

NAGKAKAROON ba ng firearms smuggling sa bansa? Ito ang tanong Senador Ronaldo “Bato” Dela Rosa …

Drivers license card LTO

Nang-araro ng mga sasakyan
DRIVER NG SUV TATANGGALAN NG LISENSIYA

TATANGGALAN na ng lisensiya ang driver ng SUV na umararo ng 12 sasakyan na ikinasugat …

Leave a Reply