Friday , April 25 2025

Carlo ayaw munang manligaw, work muna

ILANG beses sinabi ni Carlo Aquino pagkatapos ng presscon ng Meet Me In St. Gallen na hindi si Angelica Panganiban ang dahilan ng paghihiwalay nila ng girlfriend niyang si Kristine Nieto at magkakilala  ang dalawa dahil nagkasama pa silang manood ng Cold Play sa Singapore noong nakaraang taon.

Pero aminado ang aktor na hindi naman nawala ang kumustahan nila ni Angelica kapag may panahon sila. Pero hindi rin niya planong ligawan ulit ang aktres.

“Wala sa isip ko pa ang manligaw, pahinga muna ako, parang magta-trabaho muna ako kasi masyadong busy. Tulad nga ng sinabi ni Bela (padilla) maraming blessings ang dumarating sa akin ngayon. So, sa ngayon, doon muna ako (mag-concentrate),” saad ni Carlo.

Muli naming ibinalik ang tanong kung anong dahilan ng paghihiwalay nila ni Kristine dahil noong huli naming makatsikahan si Carlo sa set visit ng The Better Half ay nabanggit niyang napag-uusapan na nila ang kasal at nag-iipon pa. Tapos heto hiwalay na? Anong nangyari? Baka may 3rd party.

“Walang third party, siguro nag-mature ng ibang way kaming dalawa. Isa rin ang oras kasi hindi kami nagkikita, nagtuloy-tuloy din ang projects na ibinibigay sa akin na minsan hindi ako nakauuwi o ‘pag nasa bahay ako, siya naman ‘yung wala,” mahinang sabi ng binata.

Nabanggit namin na baka oras ang isa sa dahilan ng hiwalayan nila at um-oo naman kaagad ang aktor.

‘Yun lang, noong banggitin ni Carlo na siya ang nakipaghiwalay ay nagulat kami dahil para sa amin ay hindi tamang sa lalaki manggaling ang pakikipaghiwalay sa taong minahal mo ng pitong taon. Sabi pa nga namin ay sana hinintay na lang niyang iwanan siya.

Nakatingin sa amin si Carlo at nag-apuhap ng isasagot at nangingilid na ang luha sa mga mata niya at sabay sabing, ”huwag na lang nating (pag-usapan).”

Tanong ulit namin kung tinanggap ni Kristine ang hamon niya, ”siyempre hindi tinanggap agad-agad.”

Hindi rin itinanggi ni Carlo na galit sa kanya ang magulang ng dating nobya, ”siyempre. Seven years ‘yun.” Pero aminadong nami-miss niya ang dating karelasyon.

Naiwan si Carlo sa bahay dahil kanya iyon at aminadong nalulungkot siya na sinabayan pa namin ng tanong ng wala ng nag-aalaga sa kanya at kasama niya sa dinner.

“Pinaiiyak mo naman ako, eh,” malungkot na sabi sa amin ng aktor.

Pero sa kabila ng kalungkutan ni Carlo ay masaya rin siya dahil marami siyang trabaho ngayon at talagang puring-puri niya si Bela na leading lady niya sa Meet Me In St Gallen dahil ang galling at magkasundo kaagad sila.

Mapapanood na ang pelikula sa Pebrero 7 mula sa direksiyon ni Irene Villamayor na produced naman ng Viva Films at Spring Films.

FACT SHEET
ni Reggee Bonoan

About Reggee Bonoan

Check Also

Junell Hernando Nora Aunor Christopher De Leon

Dating child actor masuwerte na nakatrabaho si Ate Guy

MATABILni John Fontanilla MAITUTURING ng dating child actor at isa sa bumida sa mga pelikulang  Magic …

Nora Aunor Judy Ann Santos

Juday kay Nora natutunan kababaan ng loob

RATED Rni Rommel Gonzales KAY Nora Aunor daw natutunan ni Judy Ann Santos ang pagpapakatotoo sa sarili, pati na …

Alynna Velasquez Hajji Alejandro

Alynna sa star ni Hajji sa Walk of Fame nagdalamhati

I-FLEXni Jun Nardo OFF limits sa wake ni Hajji Alejandro kaya sa Walk of Fame sa Eastwood …

Bong Revilla Jr

Budots Dance ni Sen Bong na tinutuligsa dati gamit ng ilang senador sa kampanya ngayon

I-FLEXni Jun Nardo PINAGTAWANAN, nilait. Pinagtawanan noon ang ginawang Budots Dance ni Sen Bong Revilla, Jr.bilang campaign video nang …

Nora Aunor Pagpupugay Ng Bayan

Pagkanta ng mga Noranian ng Superstar Ng Buhay Ko nakaaantig ng puso

RATED Rni Rommel Gonzales HINDI inalintana ng magkakapatid na  Lotlot, Ian, Matet, Kiko, at Kenneth de Leon at …

Leave a Reply

Your email address will not be published. Required fields are marked *