Tuesday , January 31 2023
dead gun police

2 jailguards, 2 pulis patay sa shootout sa Munti

PATAY ang dalawang tauhan ng Bureau of Jail Management and Penology (BJMP) at dalawang pulis sa palitan ng putok sa Muntinlupa City, kahapon ng umaga.

Binawian ng buhay bago idating sa Medical Center of Muntinlupa ang dalawang jailguard na sina JO1 Felino Salazar, 48, at JO2 Elmer Malindao, 33, nakatalaga sa Muntinlupa City Jail.

Nalagutan ng hininga sa pinangyarihan ng insidente ang isang suspek na dating pulis na si PO3 Arnel Rubio, nasibak sa serbisyo dahil sa kasong grave misconduct noong Setyembre 2016. Habang isinugod sa pagamutan ang kasama niyang kinilalang si PO1 John Lardi-zabal ngunit idineklarang dead on arrival.

Samantala, nasa kustodiya ng Muntinlupa City Police ang isang “person of interest” na kinilalang si Prison Guard 1 Dee Jay Tanael, nakatalaga sa Bureau of Corrections (BuCor), sinasabing nakita sa kalagitnaan ng enkuwentro.

Sa ulat na nakarating kay Southern Police District (SPD) director, Chief Supt. Tomas Apolinario, Jr., naganap ang insidente sa Brgy. Tunasan malapit sa Muntinlupa City Jail, dakong 8:30 ng u-maga.

Sinabi ni Muntinlupa City Police chief, Senior Supt. Dante Novicio, lulan ng isang motorsiklo ang dalawang jail guard nang tambangan ng dalawang suspek na lulan din ng motorsiklo.

Ang insidente ay narinig ng mga kasamahan nilang prison guard habang nasa labas ng kanilang tanggapan, na sina JO1 John Edades, JO1 Moldero Sogan at isang Richard Basiloy kaya agad silang nagresponde at nakipagpalitan ng putok sa mga suspek.

Makaraan ang insidente, nakita nila sa lugar ang prison guard na si Tanael na armado ng baril kaya agad siyang dinala sa himpilan ng pulisya para imbestigahan.

Depensa ni Tanael, nagkataong dumaan siya sa lugar  nang maganap ang insidente.

Samantala, sinabi ni Chief Supt. Apolinario, isa sa anggulong kanilang iniimbestigahan ay onsehan sa droga.

Habang sinabi ni Senior Supt. Novicio, nasa drug watchlist ng NCRPO si Salazar.

nina JAJA GARCIA/MANNY ALCALA

About hataw tabloid

Check Also

013023 Hataw Frontpage

Sa Duterte drug war
MARCOS VS ICC PROBE ITIGIL — CenterLaw

HINILING ng isang grupo ng mga abogado kay Pangulong Ferdinand R. Marcos, Jr., na itigil …

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

Leave a Reply