Sunday , August 14 2022

Marcial swak para maging commissioner — Sy

HABANG hindi nakahahanap ng bagong Commissioner ang Philippine Basketball Association, nabanggit ni Blackwater owner Dioceldo Sy ang isang pangalang pamilyar at beterano sa liga.

Walang iba kundi ang officer-in-charge na si Willie Marcial na itinuturing ni Sy bilang pinaka-swak sa bakanteng posisyon sa PBA.

“He’s very capable and deserving,” ani Sy sa isang panayam kamakalawa, bago masilat ng kanyang Blackwater Elite ang Barangay Ginebra, 94-77.

Para kay Sy, hindi kailangan maghanap ng Board of Governors ng kilalang pangalan sa labas ng liga upang umupo sa bakanteng posisyon ng commissioner pagkat nasa loob ng liga ang tingin niya’y nararapat.

Mula 2003 ay nagsilbi ang 54-anyos na si Marcial bilang PBA Media Bureau Chief at mayroong karanasan na kailangan upang mapatakbo ang liga.

Dagdag ni Sy, kapag nagpalit ng commissioner ay alalayan din sa pagpapalakas ng liga kaya’t bakit pa lalayo kung nariyan naman si Marcial na alam na ang pasikot-sikot ng PBA dahil matagal nang nagsilbi bilang PBA external affairs and communications chief.

Sa simula ng taon, itinalaga ng PBA Board si Marcial bilang officer-in-chare matapos ngang magbitiw sa puwesto ang dating Commissioner na si Chito Narvasa.

Sakaling si Marcial na nga ang susunod na commissioner, hindi siya bago sa liga dahil nangyari na ito sa isang OIC noong 2007.

Nagsisilbi bilang OIC noong 2007, naitalagang Commissioner si Sonny Barrios nang hindi makapagdesisyon ang PBA Board sa pagitan ng mga kandidatong sina Lambert Ramos at Chito Salud.

Maraming lumutang na posibleng kandidato para sa susunod na Commissioner ngunit hanggang ngayon ay hindi pa nasisimulan ng PBA Board ang proseso na sa pagbuo ng search committe.

ni John Bryan Ulanday

About John Bryan Ulanday

Check Also

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Christopher Castellano Elizsa Gayle Cafirma

Antipolo City, Rizal team lalahok sa Sen. Manny Pacquiao Tuna Festival chess meet

MANILA — Nagbigay ng kahandaan ang Antipolo City, Rizal team players na lalahok sa Sen. …

Chess

Prince Maverick naghari sa GM Balinas Training Center 1st Anniversary

NAGPAKITANG GILAS ang 19-anyos na si Prince Maverick Cornelio ng Poblacion, Pamplona matapos makaipon ng …

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

Leave a Reply