DJ Janna Chu Chu at DJ Papa Ding, bagong tambalan sa Oldtime Goodtimes

MAY bagong tambalang hatid ang nangungunang FM radio station sa bansa, ang Brgy LS FM 97.1, ito ay ang OldTime Goodtimes nina DJ Jana Chu Chu at DJ Papa Ding na mapakikinggan tuwing Linggo, 6:00-9:00 a.m..

Hatid nina DJ Janna at DJ Papa Ding ang mga musikang patok na patok sa panlasa nina lolo, lola, nanay, tatay, tito, tita at ini-enjoy na rin ng mga makabagong kabataan. Mga awiting throwback na sumikat noong dekada 50, 60, 70, 80, at 90’s.

Laman din ng programa ang segment na pagbabalik-tanaw sa mga OPM singer noon at kung ano na ba ang pinagkakaabalahan nila ngayon.

Binibigyan din ng tambalang DJ Janna at DJ Papa Ding ang mga request at pabati ng kanilang listeners. Kaya naman kung gusto mong mag-enjoy tuwing umaga ng Linggo, tutok lang sa happy, makulit pero loveable na tambalang DJ Janna Chu Chu at DJ Papa Ding sa Brgy LSFM 97.1, Oldtime Goodtimes.

MATABIL
ni John Fontanilla