NAMATAY ang isang sanggol sa naganap na sunog sa District 1, Pozorrubio, Pangasinan, nitong Huwebes ng u-maga.
Sinabi ng isang residente, naglalaro ng posporo ang mga bata sa apartment naging dahilan ng pagsiklab ng sunog dakong 10:00 ng umaga.
“Gumapang doon sa durabox. Binuhusan pa nga namin,” salaysay ni Jomalin Dangcogan.
Napag-alaman, huli na ng malaman ng mga bombero na may naiwang sanggol sa loob dahil wala ang mga magulang ng biktima.
“Hindi namin alam na may bata. Kung sakali, baka nasagip pa natin,” ayon kay SFO4 A-lexander Acang ng Bureau of Fire Protection-Pozorrubio.
Tinatayang umabot sa P500,000 ang halaga ng natupok na mga ari-arian sa insidente.
