Wednesday , July 6 2022

TRAIN ‘pasakit’ sa bayan (Palasyo aminado)

AMINADO ang Palasyo na kaila­ngang pasanin ng taong bayan ang ipapataw na dagdag buwis para pondohan ang mga proyektong pang-impraestraktura sa ilalim ng Build, Build, Build program ng administrasyong Duterte.

Ito ang tugon ni Presidential Spokesman Harry Roque sa ulat na 80 milyong Filipino ang makararanas ng negatibong epekto ng Tax Reform for Acceleration and Inclusion (TRAIN) Law kahit iabsuwelto sa income tax ang 6 milyong obrero.

“Well, someone has to pay for Build, Build, Build that will produce positive effects for everyone and of course, it is done through taxes ‘no,” ani Roque sa press briefing sa Palasyo kahapon.

Ang pagpapataw aniya ng buwis ay isa sa tatlong kapangyarihan ng estado at katanggap-tanggap ito sa demokratikong lipunan basta aprobado ng Kongreso.

“Taxation is one of the three inherent powers of the state and for as long as it is approved by the people’s representatives, which is Congress, is it acceptable in a democratic state,” dagdag niya.

Ipinauubaya aniya ng Malacañang sa Land Transportation Franchising and Regulatory Board (LTFRB) kung papayagan ang petisyon ng jeepney drivers at operators na maging P12 ang minimum na pasahe.

Maging ang taxi operators ay naghain din ng petisyon sa LTFRB para dagdagan ng P16 kada kilometro fare hike.

Dahil sa TRAIN
P10 DAGDAG-PASAHE
HIRIT NG TAXI DRIVERS

 

IHIHIRIT ng Philippine National Taxi Operators Association (PNTOA) sa Land Transportation Franchising and Regulatory Board (LTFRB) na gawing P50 ang flag down rate sa taxi, na kasalukuyang nakapako sa P40.

Ito ay dahil sa napipintong epekto ng pagtataas ng presyo ng produktong petrolyo dulot ng Tax Reform for Acceleration and Inclusion (TRAIN) law.

Ayon kay PNTOA chair Bong Suntay, wala na halos kikitain ang mga taxi driver.

Ito’y kahit naglabas ng desisyon ang LTFRB kamakailan na itinataas na sa P13.50 ang singil kada isang kilometro at P2 kada minuto na waiting time sa taxi.

Hindi kasi ito naipatutupad dahil hindi pa naka-calibrate ang mga taxi meter.

Sinabi ni Suntay, hindi bababa sa 42,000 taxi drivers sa buong bansa ang mawawalan ng kita kapag hindi na-adjust ang pamasahe.

Ngunit giit ni LTFRB Board Member Aileen Lizada, wala pang natatanggap na petisyon ang ahensiya hinggil sa hiling ng grupo.

Kung sakali mang hihirit muli sila ng taas-pasahe, dapat aniyang patunayan ng mga taxi na tataas din at gaganda ang kalidad ng serbisyo nila sa mga commuter.

Ayon kay Lizada, kailangan hingiin ng LTFRB ang panig ng commuter groups bago magdesisyon.

ni ROSE NOVENARIO

About Rose Novenario

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply