Wednesday , July 6 2022
Sipat Mat Vicencio

Lupit ng senatorial race sa 2019

SA susunod na taon, 2018, nakatitiyak tayong kanya-kanya nang posisyonan ang lahat ng mga politikong nagnanais sumabak sa senatorial race para sa midterm elections sa May 2019.

Ang lahat ng partido politikal sa bansa, lalo ang PDP-Laban ng administrasyong Pangulong Rodrigo “Digong” Duterte ang nakalalamang sa darating na halalan kung makinarya at orga­nisasyon ang pag-uusapan.

Kung matatandaan, halos sinusuyod na ng liderato ng PDP-Laban ang mga lalawigan at iba pang malalayong lugar para ipakilala ang kanilang mamanuking kandidato sa lokal lalo ang mga nagnanais tumakbo bilang senador ng ba­yan.

Pero hindi nangangahulugan na kapag ikaw ay nakasandig sa partido ni Digong ay nakatiti­yak na ng panalo sa darating na May 2019 elections.  Malaking salik pa rin ang tinatawag na popularity at talino ng isang kandidato kung bakit nananalo sa isang halalan.

Tandaang 12 kandidato lamang sa pagkasenador ang kinakailangang mahalal sa midterm poll kaya maituturing na ‘masikip’ para sa mga baguhang kandidato na makapasok sa tinatawag na Magic 12.

Kung titingnang mabuti, tiyak na ang panalo ng tatlong reelectionist na babaeng senador na sina Nancy Binay, Cynthia Villar at Grace Poe. Lamang na rin ang mga reelectionist na lalaki na sina Sonny Angara, Bam Aquino at JV Ejercito.

Kung tutuusin, anim na posisyon na lamang sa pagkasenador ang paglalabanan ng mga bagong tatakbo o silang mga balik-Senado para sa senatorial race dahil ang anim na iba pa ay pihadong kuha na ng mga reeleksyonista.

Kaya nga, ang mga pinalulutang na ng se­natorial candidates nina Senate President Koko Pimentel at Speaker Pantaleon Alvarez ay maituturing na walang panalo kung ihahambing sa mga senatoriables na tinatawag na may ‘dating’ at karisma.

Ang ilang senatoriables na sinasabing maaaring makalusot ay sina Pia Cayetano, ang presidential daughter at Davao City Sara Duterte, Mocha Uson, Ilocos Norte Governor Imee Marcos, broadcaster Karen Davila at Jessica Soho.

Sa sandaling sila ay tumakbo, masasabing maaari silang makalusot sa senatorial race.

Huwag na natin asahan pa ang mga kandidato nina Pimentel at Alvarez dahil tiyak sa basurahan silang lahat dadamputin. Pam­barangay lang ang mga nasabing politiko at ti­yak na walang kapana-panalo sa Senado.

Tiyak din tayong dodominahin ng mga kababaihan ang darating na senatorial race sa 2019 elections.  Kailangang magkaroon ng bo­ses sa Senado ang mga kababaihan, at sana pati na rin sa Mababang Kapulungan ng Kongreso.

About Mat Vicencio

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

Leave a Reply