Thursday , July 7 2022
Duterte Roque
Duterte Roque

HR standard ni Digong tumpak — Roque (Sa war on drugs)

SA kabila ng taguri ng mga kritiko bilang “mass murderer” tumpak ang pamantayan sa karapatang pantao ni Pangulong Rodrigo Duterte.

Sa katunayam, ayon kay  Presidential Spokesman Harry Roque, pareho sila ng pananaw sa human rights ni Duterte.

Ayon kay Roque, gaya ni Duterte, naniniwala siya na hindi bawal ang paggamit ng dahas basta kailangan itong gawin sa isang sitwasyon.

“Tama naman po ang ginagawa ng Presidente, ‘yan po iyong tinatawag nating tamang human rights standard ‘no dahil hindi naman ipinagbabawal ang paggamit ng dahas ‘no. Kinakailangan lang, mayroong necessity at mayroon pong proportionality. So pagdating po diyan, nagkakaisa po kami ni Presidente…” ani Roque.

Bilang abogado at dating piskal ay alam aniya ng Pangulo na ang pagpatay ng pulis ay dapat nakabatay sa “lawful engagement.”

Giit ni Roque, hindi kinokonsinti ng Pangulo ang pagpatay nang walang dahilan ng mga pulis gaya sa kaso nang pagpatay kay Kian delos Santos na agad niyang ipinakulong ang mga pulis na responsable sa krimen.

“Alam mo maniwala kayo’t hindi, wala kasi kaming ‘pinagkakaiba ni Presidente pagdating sa usaping karapatang pantao. Naniniwala siya na ang pulis naman e reresbakan niya kung tama ang ginagawa ‘no, kung mayroong namatay kinakai-langan, dahil resulta ‘to ng isang lawful engagement, pero may necessity, merong proportionality. At gaya noong naging ehemplo sa kaso ni Kian,  sapat na ba na ang pulis ay pumatay lang nang walang dahilan, e siya na mismo ang mag-o-order na ipakulong ang pulis,” sabi ni Roque.

Matatandaan, ilang beses umalma si Duterte sa pagbatikos ng ilang human rights advocates , partikular kay UN Special Rapporteur Agnes Callamard, sa anila’y talamak na extrajudicial killings sa pagsusulong ng drug war ng administrasyon.

Katuwiran ng Pangulo, ang pagpapatupad ng batas ay walang pinipi-ling estado sa buhay, mahirap man o mayaman, at kung mas marami ang mga maralitang napaslang sa drug war ay dahil ang mga pobre ang tumatangkilik sa shabu.

 (ROSE NOVENARIO)

About Rose Novenario

Check Also

Bongbong Marcos BBM Mark Lapid Tanya Garcia

Mark T. Lapid itinalagang COO ng TIEZA

MULING itinalaga bilang Chief Operating Officer (COO) ng Tourism Infrastructure and Enterprise Authority (TIEZA) si …

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

Leave a Reply