Friday , March 29 2024
Bulabugin ni Jerry Yap
Bulabugin ni Jerry Yap

Ladies mag-ingat sa social media ‘online love scam’

BABALA po sa mga kababaihang nagogoyo ng mga dayuhan sa social media online love scam.

Lalo na ‘yung mga babaeng naghahanap ng lovelife.

Marami na po tayong natatanggap na reklamo mula sa ilang kababayan natin tungkol sa online love scam.

Nararahuyo kasi silang mag-involve sa long distance relationship o LDR na later on ay matutuklasan nilang online love scam pala.

Ayon sa Bureau of Customs (BoC), karamihan sa mga nasasangkot dito ay mga Caucasian o mga puti.

Maraming mga Pinay ang nagogoyo rito sa kagustuhang makabingwit ng mga foreign lover.

Halimbawa, sasabihin ng boyfriend nilang foreigner, padadalhan kita ng regalo kunin mo sa Customs.

Aba, siyempre matutuwa naman ang Pinay.

Pero kapag kinukuha na niya, mayroon nang magpapadala ng mensahe na ipadala muna ang bayad sa “duty and taxes” sa ganitong pangalan o ganitong shipping firm.

Sasabihin na kapag fully paid na, ide-deliver ang package sa kanya.

Ang siste, nawalan na ng pera, nawalan pa ng package ang Pinay. At nawala na rin ang nagpapanggap na dayuhang lover!

Tama ba ‘yun?

Mali po iyon.

Ayon sa BoC, ang duties and taxes para sa kanila ay binabayaran mismo sa government-owned bank gaya ng Land Bank of the Philippines.

Para nga maiwasan ang mga scam na gaya nito, hindi pumapayag ang BoC na ideposito sa private account ang bayad sa duties and taxes.

Anila, “In the BOC, we don’t allow payment of duties in a private account. It shall be deposited to the account of the Bureau of Customs under Land Bank of the Philippines only, per existing (Commission on Audit) regulation.”

‘Yan po, klaro ‘yan.

Kaya unsolicited advice po sa mga kababayan natin, huwag pong magpagoyo sa ganitong scheme.

HIGHEST AIRPORT
TERMINAL FEE PERO
BULOK ANG SERBISYO!
(ATTN: DOTr SECRETARY
ARTHUR TUGADE)

Buti na lang at hindi napahamak ang halos 200 pasahero ng nag-overshoot sa runway na Cebu Pacific airbus na lumapag sa Iloilo International Airport.

Kung nagkataon ay panibagong dagok na naman ito sa Duterte Administration.

Sa kabila ng lahat, nakapagtataka at tila hindi lumutang ang pangalan ng Iloilo Airport Civil Aviations Airport Manager EFREN NAGRAMA who also happens to be the CAAP manager sa Kalibo International Airport (KIA).

Wow ha!

Dual citizen ‘este dual functions pala siya.

Speaking of Kalibo Airport, balita natin, napakasuwerte nito dahil ‘yan ang airport na may pinakamalaking singil sa terminal fee sa lahat ng airport sa bansa!

Huh?!

Suwerte o sinusuwerte?!

Mantakin ninyo kung ang NAIA 1, 2 and 3 ay umaabot ang singil sa P500 per passenger sa international flights, ang KIA ay naniningil ng P700 per passenger!

Juice colored!

E ‘di napakaganda sigurado ng serbisyo at facilities sa KIA??

‘Yun na nga ang siste!

Akala natin, dahil malaki ang koleksiyon nito ay maayos at maganda ang buong KIA!

No, no, no!

Kung dadaan po kayo sa KIA, ang una ninyong iingatan ang madapa kayo dahil sa mga tagpi-tagping flooring ng airport na kung hindi ka maingat ay siguradong dapa at hambalos sa mukha ang aabutin ninyo!

Not only that!

Dapat ay magbaon kayo ng maraming panyo at tisyu paper na pampunas ng pawis dahil sa kanilang napakainit na ‘airconditioning system’ na nakadagdag sa init ng isla ng Panay!

Sonabagan!

Kaya pala Panay island ang pangalan. Panay ang punas!

Aruykupo!

Don’t forget also to bring face mask dahil baka ma-suffocate ka sa amoy ng masansang na mga comfort ‘wow baho’ rooms na tila kulang sa air freshener na pamatay-amoy sa mabahong paligid!

Grabe naman ito!

Marami pa sana ang dapat banggitin ko pero next time na lang at baka abutin tayo nang siyam-siyam sa pagkukuwento!

I don’t know kung lahat ito ay nakararating sa kaalaman ni CAAP Director General Jim Sydiongco!

Imagine P700 per passenger tapos ganyan ang serbisyo at facilities nila?!

Kung may 3,000 passengers ang KIA daily sa domestic and international, sa P700 per pax malinis na P2.1 milyon ang daily collections nila!

Anyare?!

Ok lang naman…

At least puwedeng maging candidate ang Kalibo Airport to be the one of the “Worst Airports” in the world!!!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *