TUMIGIL ang operasyon ng MRT-3 dahil sa pagsabit ng isang diaper sa kawad ng koryente ng riles nitong umaga ng Lunes.
Dakong 6:00 am nang bawasan ang mga biyahe ng MRT dahil sa diaper na sumabit sa kawad sa pagitan ng mga estasyon ng Ayala at Buendia.
Tumigil ang mga biyahe sa pagitan ng Taft Avenue at Boni Avenue Station. Bandang 7:30 am nang maibalik sa normal ang operasyon.
Hindi pa malinaw kung paano sumabit ang diaper sa kawad.
Muling nagkaroon ng aberya ang MRT dakong 8:00 am dahil sa sirang pintuan ng isang tren.
Nangyari ang insidente sa southbound na linya ng estasyon ng Shaw Boulevard. Bunsod nito, pinababa ang mga pasahero.
Agad inalis sa riles ang tren na may sirang pinto upang maibalik sa normal ang operasyon.
