Friday , March 29 2024

Revolutionary gov’t ng pangulo labag sa batas (Unang Bahagi)

ANG banta ni Pangulong Rodrigo Duterte kamakailan na magtatayo siya ng isang “revolutionary government” para mapangalagaan ang kanyang administrasyon laban sa mga tinawag niyang “destabilizers” ay malinaw na labag sa 1987 Constitution dahil wala itong probisyon para sa pagtatatag nito.
Nilagyan ng maraming proseso ang Saligang Batas para mapangalagaan ang pamahalaan o legal na mabago ang estruktura nito kung nanaisin ng bayan, pero walang inilagay na proseso ang mga sumulat ng ating Saligang Batas kaugnay sa sinasabi ni Duterte na “revolutionary government.”
Kabilang o ilan sa mga proseso na nakapaloob sa Saligang Batas ng 1987 na may kaugnayan sa proteksiyon ng pamahalaan o ‘di kaya ay pagbabago ng estruktura nito ang mga sumusunod: • ang pagakakaroon ng regular na halalan, • ang pagkakaroon ng panuntunan sa tinatawag na “legal succession,” • ang pagkakaroon ng iba’t ibang paraan ng pag-aamyenda o pagpapalit ng Saligang Batas,•ang pagkakaroon ng proseso kaugnay sa pagdedeklara ng Batas Militar; • at ang pagkakaroon ng monopolyo ng pamahalaan sa lakas militar o paggamit ng instrumento ng karahasan.
Wala sa mga nabanggit ang pagtatayo ng “revolutionary government.”
Sa payak na palagay ng Usaping Bayan, naging labag sa batas ang plano ni Duterte dahil bukod sa wala ito sa Saligang Batas ay isa itong pagsira sa kanyang sinumpaang tungkulin bago siya manungkulan bilang pangulo ng bansa.
Ayon sa Section 5, Article VII ng Saligang Batas ng 1987 ang sumpa sa katungkulan ay nagsasaad ng ganito: “I do solemnly swear [or affirm] that I will faithfully and conscientiously fulfill my duties as President [or Vice-President or Acting President] of the Philippines, preserve and defend its Constitution, execute its laws, do justice to every man, and consecrate myself to the service of the Nation. So help me God.”
Dahil dito ay malinaw ang atas niya kay Duterte na kanyang dapat panatilihin at ipagtanggol (preserve and defend) ang kasalukuyang Saligang Batas. Sa madaling salita, hindi siya puwedeng magtayo ng “revolutionary government.”
At dahil malinaw na hindi ayon sa batas ang pinagsasabi ni Duterte ay marapat natin siyang tanungin kung anong Saligang Batas ang kanyang sinusundan, pinananatili o ipinagtatanggol, ang 1973 (ang Saligang Batas ni Marcos) ba o 1935 (Ang Saligang Batas ng mga kolonyal)?
(May kasunod sa Biyernes)
***
Ang Philippine Drug Enforcement Agency na ang mangunguna sa digmaan laban sa bawal na gamot. Para sa karagdagang detalye ay pasyalan ninyo ang Beyond Deadlines sa www.beyonddeadlines.com
Sana ay makaugalian ninyo na bisitahin lagi ang website ng Beyond Deadlines at panoorin ang segment nito sa Pinoy Houston TV o Howdy Philippines channel ng YouTube. Salamat po.
***
Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Malapit sa Metro Manila at mula sa resort na ito ay tanaw ninyo ang banal na bundok Makiling.
Magpadala ng mensahe sa www.facebook.com/privatehotspringresort para sa karagdagang impormasyon o reserbasyon ng lugar. Salamat po.

About Rev. Fr. Nelson Flores, MSCK, JD.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *