TINATAYANG aabot sa P1.5 milyon halaga ng mga ari-arian ang natupok makaraan masunog ang tatlong palapag na gusali sa Caloocan City, nitong Martes ng hapon.
Ayon kay Caloocan City Bureau of Fire Protection (BFP) arson investigator FO3 Alwin Culianan, dakong 3:45 pm nang sumiklab ang sunog sa gusali na pag-aari ni Lina Catacutan sa Brgy. 36, ng lungsod.
Umabot sa ikalimang alarma ang sunog na idineklarang fire-out dakong 8:05 pm.
Inaalam ng fire investigators ang impormasyon na napansin ng mga residente sa lugar na may nag-spark mula sa kawad ng koryente bago magsimula ang sunog sa naturang gusali.
Walang napaulat na nasaktan o namatay sa insidente, maliban sa isang babaeng nahirapan huminga dahil sa makapal na usok, na agad inalala-yan ng mga tauhan ng Caloocan City Rescue Team.
(ROMMEL SALES)
