NAMUMULA sa hiya pero walang magawa ang isang production staff ng isang weekly TV show nang soplahin siya ng inimbitahan nilang singer-comedienne para mag-guest sa isang episode kamakailan.
Pagkaabot na pagkaabot kasi ng staff ng cash voucher sa mang-aawit-komedyana para papirmahan, nanlaki agad ang mga mata nito sabay dayalog ng, “Ano ba ‘yan? Wala bang budget ang show na ‘to? Eh, hindi na tumaas ang TF (talent fee) ko rito, samantalang suki n’yo naman ako!”
Imbiyerna man at pumirma na rin ang bida sa kuwentong ito. Sa isip-isip niya, barya-barya man na maituturing ang TF niya ay sayang din lalo’t wala naman siyang regular na pinagkakakitaan.
Da who ang singer-comedienne na feeling binarat ng isang lingguhang TV show? Itago na lang natin siya sa alyas Glydel Givenchy.
(Ronnie Carrasco III)
