Wednesday , December 7 2022

Level-up ng intelligence community hirit ni Digong (Para sa A-1 info)

PALALAKASIN ni Pangulong Rodrigo Duterte ang aspektong paniniktik ng mga ahensiya ng pamahalaan upang makabuo ng dekalidad na impormasyon o A1 information, na kanyang pagbabatayan sa pagtaya ng national security situation ng bansa.

Base sa Administrative Order No. 7 na nilagdaan ni Pangulong Duterte, inireorganisa at palalakasin ang National Intelligence Committee (NIC) upang maging instrumento sa pagsusulong nang mas maayos at epektibong intelligence community.

Ang NIC, sa pamamagitan ng Director General ng National Security Council, ay awtorisadong ipatawag ang sino mang kinatawan ng alin mang ahensiya ng pamahalaan upang tumulong sa pangangalap ng impormasyon “on a regular basis” lalo ang may kinalaman sa pagtupad sa kanilang tungkulin.

Kabilang sa mga pangunahing ahensiya na bahagi ng NIC ang Department of Foreign Affairs (DFA), National Bureau of Investigation (NBI), Bureau of Immigration (BI), Bureau of Customs (BoC), Armed Forces of the Philippines (AFP), Philippine National Police (PNP), Philippine Drug Enforcement Agency (PDEA), Philippine Coast Guard (PCG) at Office of Transportation Security.

Si National Security Adviser Hermongenes Esperon, Jr. ang siya ring director general ng National Security Council.

Sa kanyang talumpati sa PNPAAI oath taking ceremony sa Palasyo kamakailan, sinabi ng Pangulo na may plano siyang palakasin ang intelligence community upang maging mas epektibo sa paglaban sa kriminalidad, illegal drugs, terorismo at korupsiyon.

(ROSE NOVENARIO)



About Rose Novenario

Check Also

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …

MMDA, NCR, Metro Manila

MMDA clearing ops umarangakada na

MAHIGIT 30 sasakyan ang nahuli sa isinagawang clearing operation ng Metropolitan Manila Development Authority (MMDA) …

Leave a Reply