Monday , December 5 2022
dead gun police

Itinumbang 13-anyos binatilyo mistaken identity — Bartolome

POSIBLENG napagkamalan ang isang 13-anyos binatilyo na ilang ulit pinagbabaril ng isang motorcycle rider sa Pasay City, kamakalawa ng hapon.

Ayon kay Pasay City Police chief, Sr. Supt. Dionisio Bartolome, posibleng “mistaken identity” ang nangyari dahil may ibang nakatambay sa harap ng bahay bago pumalit ang biktimang si Jayross Brondial, ilang sandali bago mangyari ang pag-atake.

Dalawang tama ng bala sa ulo at sa iba’t ibang bahagi ng katawan ang ikinamatay ni Brondial, residente sa Tramo at Inocencio streets, Brgy. 104, Pasay City.

Inaalam ng awtoridad ang pagkakakilanlan ng nag-iisang gunman na nakasuot ng itim na helmet at jacket, at sakay ng pulang motorsiklo.

Ayon sa inisyal na ulat ng Pasay City Police, dakong 3:00 pm nang pagbabarilin ang biktima sa labas ng kanilang bahay.

Sa kuha ng CCTV camera ng barangay, nakaupo ang binatilyo sa labas ng kanilang bahay nang dumating ang suspek lulan ng motorsiklo, at pinaputukan ang biktima nang ilang beses.

Sinasabing iniligtas ni Brondial ang pamangkin niyang paslit upang hindi mahagip ng bala bago siya pagbabarilin ng suspek.

Sa kabila ng sugat, nakalakad pa nang ilang hakbang ang biktima bago tumumba sa kalsada ngunit muli siyang binaril nang ilang ulit ng suspek bago tumakas sa hindi batid na direksiyon.

Sinisilip ang paghihiganti bilang isa motibo dahil sangkot ang mga kapatid ng biktima sa tinatawag na ‘tutok kalawit’ modus o robbery-holdup.

Isa umano sa kapatid ng biktima ang hinuli kamakailan sa lungsod ng Makati. (JAJA GARCIA)



About Jaja Garcia

Check Also

Arrest Posas Handcuff

Rank No. 10 MWP
WANTED SA ROBBERY, NASAKOTE SA KANKALOO

BAGSAK sa kulungan ang isang miyembro ng “Limos Carnapping Group” na nasa talaan bilang rank …

shabu drug arrest

P.1M shabu
2 BEBOT, TULAK, HULI SA DRUG BUST

TATLONG hinihinalang drug personalities, kabilang ang dalawang ginang ang kalaboso matapos makuhaan ng mahigit P.1 …

Sibuyas Onions

Magsasaka dehado sa planong  importasyon ng sibuyas — Imee

MAGIGING malungkot ang Pasko ng mga magsisibuyas sa walong lalawigan kung itutuloy ng gobyerno ang …

PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) …

NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong …

Leave a Reply