Wednesday , April 17 2024

PRRC, tunay na nanalo sa Int’l Riverprize sa Brisbane

PASIG River talaga ang kampeon!

Ito ang sinabi ng maraming Filipino na nakasaksi sa katatapos na 20th Theiss International Riverprize sa Brisbane, Queensland, Australia kamakalawa ng gabi.

Ayon kay Juanito Galvez, tubong Bulacan at 15 taon nang nakatira sa Sunbury, Victoria, nagsadya siya sa Brisbane dahil hindi makapaniwalang pumasok ang Pasig River bilang isa sa apat na finalist kasama ang Tweed River ng United Kingdom, Alaska at San Antonio Rivers ng United States sa 20th Theiss International Riverprize na taon-taon niyang sinusubaybayan.

“It should have been Pasig River who won!” sabi ni Galvez sabay diing mas mahirap ang ginagawa ng Pasig River Rehabilitation Commission (PRRC) na binibigyan ng relokasyon ang informal settler families sa tabi ng mga ilog, lawa, sapa at esterong karugtong ng Ilog Pasig.

Ayon naman kay Edna Salazar na kumukuha ng Master’s Degree sa Australia at may mga kamag-aral na empleado ng Department of Environment and Natural Resources (DENR), bulung-bulungan sa audience na ang Filipinas talaga ang dapat nanalo dahil pilit binubuhay ng PRRC ang ilog na matagal nang idineklarang patay.

“PRRC is resurrecting a dead river how come it lost to San Antonio?” ani Salazar. “Naparami lang nila ang salmon sa kanilang ilog pero mas mabigat sa balikat ang ginampanan ng PRRC lalo sa relokasyon ng squatters na nagtatapon ng lahat ng klase ng dumi sa Pasig River.”

Idineklara ng International River Foundation na runner up ang Pasig River sa San Antonio River sa Texas sa US na isang maunlad na bansa at masayang tinanggap ni PRRC Executive Director Jose Antonio “Ka Pepeton” Goitia ang finalist trophy na kauna-unahan sa Filipinas sa mahabang panahon.

“Pinatunayan nating mga Filipino na kaya natin ang rehabilitasyon at restorasyon ng makasaysayang Pasig River upang maging lugar ng turismo, libangan at transportasyon,” ani Goitia. “Ipagpapatuloy natin ang magandang simulang ito dahil para sa akin at sa taga-PRRC na nasa ilalim ng Tanggapan ni Pangulong Rodrigo Duterte, tayo ang tunay kampeon sa 20th Theiss International Riverprize!”



About hataw tabloid

Check Also

Krystall Herbal Oil

Kusinero, tubig at krystall herbal oil panlaban sa heat stroke

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

SM Bulacan malls nagsagawa ng joint tactical inspection

SM Bulacan malls nagsagawa ng joint  tactical inspection

PATULOY na itinataguyod ng SM Malls sa mga bayan ng Baliwag, Marilao, at Pulilan sa …

Krystall herbal products

PT bilib sa panggagamot ng lolang hilot katuwang ang Krystall herbal products

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Rhea Tan Beautéderm Gillian Vicencio

Beautéderm founder Rhea Tan, nagbukas ng ice cream business 

ALAM MO NA!ni Nonie Nicasio INIANUNSIYO ng Beautéderm founder at president na si Ms. Rhea Tan ang kanyang …

Krystall Herbal, Rider

Rider na muntik ma-heat stroke iniligtas ng Krystall Herbal Oil at mga payo at turo ni Fely Guy Ong

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

Leave a Reply

Your email address will not be published. Required fields are marked *