Wednesday , July 6 2022

Ayon kay Lorenzana: Martial law scenario sa PH ikinakasa ng CPP-NPA

IKINOKONDISYON ng Communist Party of the Philippines-New People’s Army (CPP-NPA) ang isipan ng publiko sa mga ilulunsad nilang mga ‘aktibidad’ bilang ganti sa pagbasura ni Pangulong Rodrigo Duterte sa negosasyong pangkapayapaan sa kanilang hanay.

Sinabi ni Defense Secretary Delfin Lorenzana, nakababahala ang isiniwalat ni CPP founding chairman Jose Ma. Sison, na may sabwatan ang Central Intelligence Agency (CIA) at Armed Forces of the Philippines (AFP) na two-stage military Duterte-Sison kill plot.

Kinuwestiyon ni Lorenzana ang pinanggalingan ng impormasyon ni Sison sa umano’y Duterte-Sison kill plot at kung ito ba’y kapani-paniwala.

“JoMa’s revelation is actually cause for concern. How did he get the information? Who is his source? How reliable?” aniya.

Duda si Lorenzana sa motibo ng CPP-NPA sa paglalako ng nasabing senaryo lalo na’t napaulat na si Sison ang nagpakana ng Plaza Miranda bombing noong 21 Agosto 1971, at isinisi ito kay noo’y Pangulong Ferdinand Marcos.

“Or it could be that the CPP/NPA is preparing our minds for any eventuality that will be orchestrated by the NPA themselves now that the President has stopped the talks with the NDF? Remember that Sison instigated the Plaza Miranda bombing and blamed it on Marcos,” dagdag ni Lorenzana.

Matatandaan, ginawang dahilan ni Marcos ang Plaza Miranda bombing at ambush kay noo’y Defense Secretary Juan Ponce-Enrile para ideklara ang batas militar noong 21 Setyembre 1972.

Inakusahan ni Marcos ang CPP na nakipagsabwatan kay Liberal Party stalwart Sen. Benigno “Ninoy” Aquino, Jr. sa pambobomba sa Plaza Miranda upang isulong ang hangarin na pabagsakin ang kanyang gobyerno at agawin ang kapangyarihan.

Ayon sa isang political observer, malaking dagok sa kilusang komunista ang pagbagsak ng peace talks sa panahong mabango sa masa si Pangulong Duterte, na tukoy ng militar ang matataas na opisyal ng CPP-NPA na lumutang para lumahok sa peace negotiations, at ngayo’y kailangang bumalik sa underground.

“Mahihirapan magtago rito ang top rebel leaders dahil ituturo sila ng masa sa militar, lalo na’t may ipinakalat na text hotline ang AFP at PNP at may patong silang milyon-milyong piso sa ulo. Sa ibang bansa lang talaga sila uubrang kumilos nang malaya,” aniya.

Dagdag niya, may posibilidad na may “malaking aksiyon” na gagawin ang kilusan para mailihis ang atensiyon ng militar upang magkaroon ng tsansa na makapuga ang mga pinuno nila.

Maaari rin aniyang planong magpalakas ng kanilang puwersa ang CPP-NPA kapag natuloy na isailalim sa batas militar ang buong bansa.

Magugunita, sa kasagsagan ng batas militar ni Marcos, lumobo nang husto ang kasapian ng kilusang rebolusyonaryo bunsod ng mga insidente ng paglabag sa karapatang pantao.

(ROSE NOVENARIO)

About Rose Novenario

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply