Sunday , January 29 2023

Rain or Shine itinulak si Chan pa-Phoenix

ISA-ISA nang nalalagas ang mga piraso ng dati’y malupit at matatag na Rain or Shine Elasto Painters.

Ito ay matapos ngang itulak ng Rain or Shine ang batikang tirador na si Jeff Chan patungong Phoenix Fuel Masters kahapon sa kalagitnaan ng 2017 PBA Governors’ Cup elimination round.

Mapupunta ang Negros Sniper na si Chan sa Phoenix kapalit ni Mark Borboran at future 2nd round pick, ayon kay Gerry Ramos ng Spin.ph.

Habang sinusulat ang balita ay hinihintay na lamang ang pinal na pag-apruba ni PBA Commissioner Chito Narvasa matapos maisumite sa kanyang opisina ang mga papeles ng naturang trade.

Buhat nang malipat sa ROS noong 2009 dahil sa trade mula sa orihinal na team na Red Bull, nakilala na si Chan bilang isa sa mga pinakamapanganib na kamador ng tres sa buong FIlipinas.

Kasama ang core players ng Rain or Shine na sina Beau Belga, JR Quinahan, Jireh Ibanez, Gabe Norwood at Paul Lee, nagabayan ni Chan ang ROS sa 2 kampeonato noong 2012 at 2016.

Naging Finals MVP ang 33-anyos na si Chan noong 2012 Governors’ Cup championship ng ROS at pagkatapos noon ay napasali sa Gilas Pilipinas para sa FIBA Asia Championship noong 2013 at FIBA World Cup noong 2014.

Nagrerehistro si Chan sa kanyang 11 taong karera sa PBA ng 10.9 puntos, 2.9 rebounds at 2.0 assists at kumakabit ng 32% ng kanyang mga tira mula sa tres.

Ngayong 2017 Govs’ Cup, kumakamada si Chan ng 9 na puntos.

Noong Oktubre noong nakaraang taon, lumipat si Coach Yeng Guiao sa NLEX Road Warriors. Buhat noon, na-trade na si Lee sa Star kapalit ni James Yap at gayondin si Quinahan sa Globalport kapalit ni Washington at ngayon, si Yap naman.

Unti-unti, paubos na ang ROS at puro bagong mukha na ang naglalaro ngayon maliban sa mga natitirang solidong E-Painter na sina Norwood at Belga. (JBU)

About John Bryan Ulanday

Check Also

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …

Mark Jay MJ Bacojo Chess

PH bet MJ Bacojo 2nd sa Hong Kong chess tilt

ni Marlon Bernardino MANILA — Iwinagayway ni National Master Mark Jay “MJ” Daños Bacojo ang …

Leave a Reply