Thursday , July 7 2022

AFP kontra kaaway ng estado: Isang text lang kayo

ONE text away na lang ang pagbibigay ng impormasyon ng publiko sa militar kapag nakakita ng armadong grupo sa kanilang pamayanan.

Sa Mindanao Hour press briefing kahapon sa Palasyo, sinabi ni AFP Spokesman B/ Gen. Restituto Padilla, mas mainam na mabantayan ang bawat sulok ng bansa, magtulungan ang bawat Filipino upang mapangalagaan ang “peace and order situation.”

Napakaliit aniya ang bilang ng mga pulis at sundalo kompara sa laki ng populasyon ng bansa na mahigit 100 milyon.

Mayroon lamang aniyang 125,000 sundalo at 175,000 pulis, at wala pa itong 10 porsiyento ng populasyon.

“Mas mainam nating mababantayan ang bawat sulok ng ating kapuluan kung ang lahat ng Filipino ay nagtutulungan. Kasi ito po ay base sa prinsipyo ng pagkakaroon nang mas maraming nagmamatyag, kasi ang bilang po ng pulis at sundalo ay napakalimitado. We only have about 125,000 strong Armed Forces and a 175,000 strong police, so that’s not even 10 percent of the population—that’s not even 10 percent of the population, because the population is at over a hundred million,” ani Padilla.

Naglagay aniya ng text hotline ang AFP para sa Mindanao upang magamit ng mamamayan sa pagbibigay ng impormasyon kaugnay sa kaaway ng estado at pagsusumbong din sa pang-aabuso ng militar.

“Kasi mariin po nating ipinagbabawal na maging abusado lahat ng sundalo, dahil kami po ay inyong tagapagtanggol. Kaya’t kung hindi namin ginagampanan ang aming trabaho, kinakailangan ho nating malaman iyan at mai-report kaagad nang sa ganoon maging accountable ang mga tauhan nito. So ito po ang AFP text hotline para sa smart. Ang numero pong gagamitin ninyo ay 74441678. So nakuha na po ninyo ito dati. At ang ite-text n’yo po ay capital letters AFP space location or info na gusto ninyong iparating po sa atin at i-text n’yo po sa numero na iyon. Para naman sa Globe po, i-text n’yo po ang bilang na 26563. At ilagay n’yo po ang lokasyon at impormasyon na nais n’yo pong matugunan ng ating Hukbong Sandatahan. So ito po iyong mga numero na kasalukuyang nakatalaga at makukuha po ito direkta ng ating mga operation center hotline sa Mindanao. Mindanao lang po muna ito, kasi meron po tayong ipinatutupad na martial law. At kung ano man po ang ipaparating n’yo diyan sa mga hotline na iyan ay tutugunan po natin sa madaling panahon,” dagdag niya.

(ROSE NOVENARIO)

About Rose Novenario

Check Also

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

Leave a Reply