Maynilad spends P130M for Parañaque pipe replacement West Zone concessionaire Maynilad Water Services, Inc. (Maynilad) is spending some P130 million to replace 18 kilometers of old, leaking pipes along West Service Road, from SM Bicutan to Sucat Road, in Parañaque City.Once completed by the end of June, the pipe replacement project will increase water pressure from the current 10 pounds per square inch (psi) to 16 psi.

11-anyos special child nalunod sa estero

Brian Bilasano August 8, 2017 News

NALUNOD ang isang 11-anyos batang lalaki na sinasabing ‘special child’ nang mahulog sa isang estero habang nilalaro ang mga alagang manok ng kanilang kapitbahay sa Paco, Maynila, kahapon ng madaling-araw.

Wala nang buhay nang maiahon ang biktimang si Rvin Dequiro, residente sa 1268 Interior 5, Burgos Street, Paco.

Sa inisyal na ulat ng Manila Police District (MPD) Homicide section, naganap ang insidente sa pagitan ng 2:00 am at 2:20 am sa Estero de Concordia, sa Burgos street.

Nauna rito, sinabi ng mga kapitbahay na nakita nilang pabalik-balik na tumatakbo sa lugar ang biktima malapit sa estero ngunit nakita ng kanyang ama kaya pinauwi sa kanilang bahay.

Gayonman, lingid sa kaalaman ng mga magulang, muling nakalabas ng bahay ang bata at huling nakitang buhay ng isa pang kapitbahay habang nilalaro at hinihimas ang kanilang mga alagang manok malapit sa estero.

Hinanap ng mga magulang sa naturang lugar ang bata ngunit laking pagkabigla nang makitang palutang-lutang ang biktima sa estero.

Isinugod sa Ospital ng Maynila ang biktima ngunit idineklarang dead-on-arrival.

(BRIAN GEM BILASANO)