ALAM n’yo bang sa hanay ng mga aktres—mapa-bagets o senior—ay tanging si Kathryn Bernardo lang ang nakadalawang beses nang nai-cover sa Yes! Magazine? Sa mga male celebrity nama’y si Willie Revillame ang second-timer din.
Nitong July 11 ay mapalad si Kathryn na maging no. 1 sa 100 Most Beautiful Starsna featured sa glossy mag.
Siyempre, ang stylist at business associate ni Kath na si Ogie Narvaez Rodriguez—isa sa mga regular listeners ng Cristy Ferminute—ang proud informant ng balitang ito.
Bukod naman kasi sa simple at charismatic ang dating ni Kath, ipinagmamalaki rin ng kanyang mga tagasuporta ang kababaan nito ng loob.
Sa tinatamasang tagumpay ni Kath, kung tutuusi’y may lisensiya siyang magbago ng ugali, pero ni minsan ay hindi kinakitaan ng pagyayabang ang batang aktres. Her feet are always planted on terra firma, ‘ika nga.
Sa puntong ito tuloy namin hindi maiwasang ikompara sina Kath at Nadine Lustre lalo pa’t nasa sentro ngayon ng kontrobersiya ang huli sa pagkakaroon ng liberated outlook sa isyu ng pagli-live in ng mga magnobyo.
‘Di hamak naman kasing mas wholesome si Kath compared to Nadine. Nasasalamin tuloy kung paanong maganda ang pagpapalaki kay Kath ng kanyang mga magulang, idagdag pa ang mga kapatid niya na puro degree holder.
Kabog!
HOT, AW! – Ronnie Carrasco III
