TIGBAUAN, Iloilo – Patay ang isang 60-anyos lola makaraan saksakin ng hindi nakilalang magnanakaw sa kanilang bahay sa Brgy. Parara Sur, ng nabanggit na bayan, nitong Sabado ng gabi.
Salaysay ni MJ, 24-anyos adopted daughter ng biktimang si Baldomera Duga, ininspeksi-yon niya ang kanyang kuwarto nang mapansing pinagagalaw ng hangin ang kurtina rito.
Ngunit napansin niya na nawawala ang apat glass pa-nel ng kanilang jalousie window.
Hanggang maramdaman ni MJ na nakatutok sa kanya ang kutsilyong hawak ng suspek.
Humingi aniya sa kanya ng pera ang suspek at tinangka si-yang halayin.
Eksaktong pumasok sa kuwarto si Duga, dahilan para pagsasaksakin siya ng suspek.
Sinubukan ni MJ na tulungan ang ina ngunit sinaksak siya ng suspek sa braso at binti.
Pagkaraan, tumakbo si MJ pabalik sa sala para kunin ang 4-buwan-gulang na anak.
Nagtago ang mag-ina sa banyo hanggang sumaklolo ang mga kapitbahay. Hindi na naabutan ng mga kapitbahay ang suspek.
Patuloy ang imbestigasyon ng pulisya sa kaso.
