Wednesday , June 19 2024

Racal reresbak sa Cignal HD

PAGHIHIGANTI at pagsosyo sa liderato ang hangad na makamit ng Racal Motors sa sagupaan nila ng Cignal HD Hawkeyes  sa PBA D-League Foundation Cup mamayang 5 pm sa Ynares Sports Arena sa Pasig City.

Sa unang laro sa ganap na 3 pm ay maghihiwalay ng landas ang Wang’s Basketball at Gamboa Coffee Mix na kapwa may 1-2 karta.

Magugunitang ang Cignal HD at Racal Motors ay nagharap sa best-of-three Finals ng nakaraang Aspirants Cup kung saan namayani ang Hawkeyes.

Ang Racal Motors ay may 2-0 record matapos na manalo kontra sa AMA (118-100) at Zark’s Burger (140-90),

Ang Cignal HD ay na-upset naman  ng Marinerong Pilipino, 66-65 noong Hunyo 8. Nakabawi ang Hawkeyes ni coach Boyet Fernandez nang manalo sila sa sumunod na dalawang games kontra sa  AMA (86-76) at Gamboa Coffee Mix  (118-51).

Kung mapupuna, ito ang ikapitong laro ng Cignal HD samantalang ang ibang mga koponan ay may tigatlo pa lang. Ito ay dahil sa nakiusap ang Hawkeyes na i-schedule kaagad ang kanilang games upang makapaglaro ang mga collegiate players nila na hindi na nila magagamit kapag nagsimula na ang mga school leagues tulad ng NCAA at UAAP.

Ang mga pamabato ng Cignal HD ay sina Jason Perkins ng La Salle at  Reymar Jose ng Far Eastern University.

Ang iba pang inaasaan ni Fernandez ay sina  Christopher Sumalinog, Murphy Raymundo  Davon Potts at Monbert Arong.

(SABRINA PASCUA)

About Sabrina Pascua

Check Also

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Daniel Maravilla Quizon Chess

FIDE World Junior Chess Championships  
QUIZON NAKISALO SA IKA-2 PUWESTO

Individual Standing After Round 10: 8.0 points — GM Mamikon Gharibyan (Armenia) 7.5 points — …

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …

Tolentino ROTC Games

Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine …

Leave a Reply

Your email address will not be published. Required fields are marked *