Kaarawan ni Jose Rizal, ginunita sa Calamba

GINUNITA sa iba’t ibang bahagi ng Calamba, Laguna ang ika-156 anibersaryo ng kaarawan ng pambansang bayaning si Jose Rizal kahapon.

Sentro ng pagdiriwang ang Rizal Shrine, lugar na matatagpuan ang bahay ng pamilya ng pambansang bayani.

Dakong 7:00 am nang magsimula ang pagdiriwang sa pa-mamagitan ng pag-aalay ng bulaklak doon at sa iba pang bantayog ni Rizal.

Panauhing pandangal sa okasyon si Philippine National Police chief, Director General Ronald “Bato” dela Rosa at mga lokal na opisyal ng Calamba.

Habang inalayan ng bulaklak mula kay Pangulong Rodrigo Duterte ang estatwa ng batang Rizal.