HINDI nakaligtas si Paolo Ballesteros nang ma-hot seat nina Joey de Leon, Vic Sotto, at Allan K sa Sugod Bahay segment ng Eat Bulaga. Inurirat kasi ng mga ito kung ano ba ang estado ng kanyang lovelife.
“Wala na,” tugon niya na tumatawa nang sagutin ang mga Dabarkads.
Humirit pa si Bossing Vic ng caption ni Paolo sa kanyang Instagram account.
“Basta, thank you for the memories na lang!” pahayag ni Vic sabay tawa.
Sinundutan pa ni AK ng birong nawala ang pagka-fresh ni Paolo pagkatapos siya tanungin ng mga co-host niya sa nasabing noontime show.
Sumakay naman si Paolo at tumatawa niyang sagot na, ”May kasama kasing luha!”
Talbog! (ROLDAN CASTRO)
