Dayuhang terorista
SIR Jerry, nagpahayag si Quezon City Rep. Winnie Castelo na kailangan imbestigahan ang presensiya ng mga dayuhang terorista sa Mindanao. Maaari kasing dito nag-ugat ang malakas na puwersa ng Maute Group. Suhestiyon niya na maaari rin isangguni sa ASEAN lalo’t nabanggit ang banyagang terorista na nagmula sa ASEAN member countries.
Sadyang nakababahala ang mga ulat na may ibang lahi rin ang napatay sa Marawi siege, nabanggit rito na may Malaysian, Singaporean at Indonesian terrorist ang kasama sa mga napaslang ng militar.
Kaya naman sa ating mga kababayan, isipin nating mabuti na walang maidudulot sa ating mga pamilya ang pagtulong at pagsuporta sa mga terorista. Apektado ang ekonomiya sa patuloy na panggugulo ng mga terorista. Maraming buhay ang nalalagas, maraming tahanan ang nawawasak, maraming inosente ang nagiging biktima huwag na nating hayaang lumala pa. Koordinasyon sa gobyerno, isuplong ang mga bandido upang matapos na ang gulo.
Jersan R. Arguilles
Mindoro
[email protected]
[divider]
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
