HATAW! D'yaryo ng Bayan hatawtabloid.com
DESMAYADO ang mga mambabatas sa pagpapawalang sala ng Court of Appeals kay pork barrel queen Janet Lim Napoles, sa kasong serious illegal detention.
Ayon kay Bayan Muna Rep. Carlos Isagani Zarate, dapat magbantay at sabayan ng protesta ng taong-bayan ang mga nakapanlulumong pangyayaring ito.
Para kay Akbayan Party List Rep. Tom Villarin, nasasaksihan na ngayon ang pagsisimula nang pagpapawalang-sala sa malalaking mandarambong kaya’t dapat magbantay ang mamamayan.
Ngunit sinabi ni Villarin, ‘wag pakasiguro si Napoles dahil may iba pa siyang non-bailable cases kaya wala siyang dapat ipagdiwang, dahil ‘di pa tapos ang laban sa katiwalian.
Naniniwala si Deputy Minority Leader Harry Roque, gagamitin ng gob-yerno si Napoles sa kasalukuyang kampanya laban sa ilegal na droga, partikular ang pagbibi-gay ng impormasyon para madiin si Senadora Leila De Lima.
(JETHRO SINOCRUZ)
