Friday , March 29 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Pergalan hindi mapigilan

ANG mga perya ay maliliit na karnabal na madalas makitang nagsusulputan kapag may piyesta o kaya ay malapit na ang Pasko, upang pasyalan ng mga tao na ibig magsaya sa kanilang handog na rides na tulad ng Horror Train, Ferris Wheel at Merry-Go-Round.

Ang mga ‘pergalan’ naman ay maliit na perya sa paningin ng tao na naghahandog ng bawal na sugal na tulad ng color games at drop ball.

Wala itong pinipiling panahon dahil kahit ano pang petsa ng buwan ay puwedeng buksan at patakbuhin ng mga ilegalista. Dinarayo ito ng mga tao na adik sa sugal.

Ang perya ay legal na pinatatakbo dahil kumukuha ito ng permit para makapag-operate at nagbabayad ng kaukulang amusement tax sa gobyerno.

Pero ang mga pergalan ay walang binabayarang permit to operate o amusement tax sa gobyerno. Tuloy-tuloy ang kanilang operasyon dahil ang nagsisilbing permit para sila mag-operate ay kuwarta na kanilang itinatapal sa pagmumukha ng mga corrupt na awtoridad na sisita sa kanila.

Hanggang ngayon ay hindi pa rin nababago ang baluktot na sistema na kapag ilegal ang negosyo at malaki ang kinikita ay nakararating agad sa malakas na pang-amoy ng mga tiwaling pulis.

Ibibigay lang ng mga kotongerong pulis ang napakahalaga nilang basbas para makapag-operate ang ilegalista kung magbibigay ng lingguhang parating o lagay sa kanila.

At isa sa mga namamayagpag kung color games ang usapan ang tinaguriang ‘reyna’ ng pergalan na si “Marissa” na ang operasyon ay katabi lang ng sangay ng Andok’s sa Quezon Boulevard sa Quiapo.

Bukod dito ay may pergalan din siya sa Ilaya sa Divisoria na malapit lang sa mismong Police Community Precinct o PCP at pati na sa simbahan. Kapag nagsara na ang simbahan ay bubuksan naman ang kanyang sugalan.

Kahit maging kapitbahay pa niya ang tahanan ng kabanalan o ang presinto ay hindi natitinag si Marissa sa kanyang pagpapatakbo ng ilegal na sugal.

Dati na rin ibinunyag at binatikos ng Firing Line ang color games ni Marissa pero sandali lang itong tumigil ng operasyon, at agad nagpatuloy ang maliligayang araw.

Muli tayong nananawagan kina Superintendent Santiago Pacual III, Manila Police District Station 3 chief, at Superintendent Arnold Thomas Ibay, MPD Station 2 chief, na nakasasakop sa Quiapo at Ilaya. Aksiyonan po sana ninyo ang pamamayagpag ni Marissa.

May katotohanan kaya na kahit kay Mayor Erap Estrada ay malakas ang ilegalistang ito? Sino kaya ang kanyang koneksiyon?

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

FIRING LINE – Robert B. Roque, Jr.

About Robert B. Roque, Jr.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *