HATAW! D'yaryo ng Bayan hatawtabloid.com
HINDI itinanggi nina Joshua Garcia at Julia Barretto na malapit sila sa isa’t isa. Kaya naman may espesyal silang tawagan.
Ito ang inihayag nila nang mag-guest kahapon ng umaga sa Magandang Buhay ng ABS-CBN2.
Ayon kay Joshua, ‘Golden Girl’ ang tawag niya sa ka-loveteam dahil para itong yaman na iniingatan niya.
‘Brave One’ naman ang tawag ni Julia kay Joshua bilang matapang nitong ipinakikita ang nararamdaman.
Natanong nina Jolina Magdangal, Melai Cantiveros, at Karla Estrada ang tunay na estado ng kanilang relasyon. Ani Joshua, isang magandang pagkakaibigan ang mayroon sila ni Julia.
“Mayroon kaming isang magandang friendship. Totoo ang ganda at ayaw kong masira ‘yon. Sobrang importante sa akin nito. At saka hindi importante kung hindi kayo, ang importante ay masaya kayo. Nakikita ko naman na masaya kami at tulungan pa kami sa lahat ng bagay,” sambit ni Joshua.
SHOWBIZ KONEK – Maricris Valdez Nicasio
