SASALUBONG ngayong Pebrero sa consumers ang malaking umento sa pres-yo ng Liquefied Petroleum Gas (LPG).
Ayon sa ulat, maglalaro sa P4.50 hanggang P5 ang dagdag-presyo kada kilo ng LPG o katumbas na P49.50 hanggang P55 sa kada 11 kilogram ng LPG tank.
Asahang ipatutupad ang dagdag-presyo sa 1 Pebrero.
Samantala, asahan din ang paggalaw sa presyo ng diesel.
Base sa pagtaya ng energy sources, maglalaro sa P0.15 hanggang P0.20 ang umento kada litro ng diesel.
Walang iniulat na paggalaw sa presyo ng gasolina at kerosene.
Karaniwang ipinatutupad ang oil price adjustment sa araw ng Martes.
(JAJA GARCIA)
