2 laborer nakoryente, 1 patay
PATAY ang isang construction worker habang nalapnos ang mga kamay at paa ng isa pang biktima makaraan makor-yente sa ikalimang palapag nang itinatayong gusali sa Pacheco St., Tondo, Maynila, kamakalawa ng umaga.
Isinugod sa Mary Johnston Hospital ang biktimang si Gilbert Dizon y Tan, 31, residente sa Sto. Niño St., Tondo ngunit hindi na umabot nang buhay.
Habang nakaratay sa nasabing pagamutan ang isa pang biktimang si Ronald Soledad y Sevilla, 32, residente sa Magsaysay St., Tondo, nalapnos ang mga paa at kamay.
Sa ulat ni SPO1 Joseph Kabigting ng Manila Police District Homicide Section, dakong 11:30 am nitong Sabado nang maganap ang insidente sa Pacheco St., Tondo.
(LEONARD BASILIO)
