Janitor nagbigti sa selos sa dyowa

PATAY na nang matagpuan ang isang 29-anyos janitor habang nakabigti sa loob ng kanilang bahay sa Tondo, Maynila kahapon ng madaling-araw.

Natagpuan ng kanyang tatay na si Oscar Cruz Jr., ang biktimang si Oscar Cruz III habang nakabigti sa kanilang bahay sa Maria Guizon St., Tondo dakong 5:30 am, ayon sa ulat ni SPO4 Glenzor Vallejo ng Manila Police District Homicide Section.

Nakasaad sa kanyang suicide note sa ama na huwag pabayaan si Denver at idiniing mahal niya ang live-in partner niyang si Jhen kaya hindi niya kayang mawala.

Ayon sa ama, dati nang nagtangkang magpakamatay ang biktima dahil sa selos sa kanyang live-in partner.

(LEONARD BASILIO)