Wednesday , October 5 2022

Tutulan GMO

DAPAT mag-doble kilos ang mga taong naniniwala na masama ang mga pagkain na may bakas ng Genetically Modified Organism sa kanilang information drive dahil kumikilos na ang mga dambuhalang dayuhang kompanya na nagsusulong nito sa ating bansa katulong ang ilang kababayan na siyentipiko at public relations practitioners.

Malinaw na sa karamihan ng mga siyentipiko ng mundo na walang katiyakan ang kaligtasan ng GMO. Ito ay produkto ng mga (dayuhang) kompanya na kung ilang ulit nang nabuking na sinunga-ling at walang pakundangan sa kalusugan ng mga tao. Ang mga kompanyang ito ang nasa likod ng agent orange, ng mga pestisidyong ngayon ay ban na sa mundo (maliban siguro sa ating bansa), at mga gamot na kanser ang side effect.

Ito rin ang mga kompanya na ang pakiramdam sila ang papalit sa Dakilang Arkitekto ng Sangkalawakan kaya nga ayon sa mga haka-haka ng ilan nating mga katoto ay “God Move Over” ang tunay na ibig sabihin ng GMO.

Araw-araw ay may mga lumalabas na ulat kaugnay ng kasamaan ng GMO sa ating kalusugan. Karamihan sa mga ulat na ito ay mula sa mga kasalukuyang pagsasaliksik na isinasagawa ng mga siyentipiko mula sa Europa, bansang Hapon at Tsina.

Lumalabas na ang mga pagkaing may GMO ay nagdudulot ng sari-saring sakit (kabilang na ang kanser at pagka-baog) kabaligtaran sa ipinagpupumilit ng mga lumilikha at nagtitinda nito na ito’y ligtas kainin. Dahil dito ay lumalaki na ang bilang mga bansa na nagbabawal sa pagtitinda ng GMO kabilang na rito ang Ireland, Saudi Arabia, Hungary, Peru, Sri Lanka and Thailand. Binabalak na rin ng European Union na ipagbawal na ang lubusang pagmemerkado ng mga pagkaing may GMO sa mga bansang kasapi nito.

Kabilang sa mga naghihigpit sa pagbebenta ng mga pagkaing may GMO ay mga bansang Algeria, Egypt, Japan, China, Norway, Austria, Germany, United Kingdom, Spain, Italy, Greece, France, Luxembourg, Portugal, Brazil at Paraguay.

Para sa listahan ng mga pagkaing may GMO ay maaari ninyong pasyalan ang website na ito:http://shiftfrequency.com/comprehensive-list-of-gmo-products/

* * *

Ayon kay Jeffrey Smith, isang anti-GMO advocate, dapat lagyan ng tatak ng pamahalaan ang mga pagkaing may GMO para alam ng tao kung ano ang kanilang kinakain. Pinuna rin niya ang kapalpakan ng ating sariling Food and Drug Association na wala man lamang pag-aatubili na pagtanggap sa mga pagkaing may GMO.

“The Philippines FDA was being overly optimistic when they claimed that the GMOs on the market meet the FAO/WHO safety assessment criteria. In fact, the Bt-corn, Roundup Ready soy, and GM papaya all fail their criteria. Furthermore, companies refuse to use the FAO/WHO safety testing guidelines, choosing instead research protocols that are far less capable of finding health problems,” pagbubunyag ni Smith.

* * *

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Malapit lamang sa Metro Manila at mula sa resort na ito ay tanaw ninyo ang banal na bundok Makiling.

Magpadala nang mensahe sa www.facebook.com/privatehotspringresort para sa karagdagang impormasyon o reserbasyon.

USAPING BAYAN – ni Rev. Nelson Flores, Ll.B., MSCK

About Rev. Fr. Nelson Flores, MSCK, JD.

Check Also

Dragon Lady Amor Virata

Mga tatay na walang sustento sa inabandonang anak, mananagot

Isumbong mokay DRAGON LADYni Amor Virata LAGOT ang mga ama ng sanggol na isinilang ng …

Sipat Mat Vicencio

Sobrang yabang ni Senator Tol

SIPATni Mat Vicencio KUNG TUTUUSIN, halos dalawa at kalahating taon pa bago ang nakatakdang midterm …

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

FIRING LINE ni Robert B. Roque, Jr.

Sino’ng nakikinig kay Bongbong?

FIRING LINEni Robert B. Roque, Jr. MALIWANAG na ang pinakamahalagang natamo sa biyahe kamakailan ni …

AKSYON AGAD ni Almar Danguilan

QC Jail PDLs, nabigyan ng pag-asang makapagtapos sa K12

AKSYON AGADni Almar Danguilan ANAK mo ba’y nakakulong ngayon sa Quezon City Jail Male Dormitory …

One comment

  1. Appreciate it for this howling post, I am glad I observed this internet site on yahoo.

Leave a Reply