Saturday , September 24 2022

Kerwin, Dayan, Espenido magkakasalungat (May sinungaling — Drilon)

NAKAKITA ng mga palatandaan ng “fabrication” ng testimonya si Sen. Franklin Drilon sa pagtatanong niya kina Kerwin Espinosa, Ronnie Dayan at Chief Insp. Jovie Espenido sa nagpapatuloy na pagdinig ng Senado kaugnay sa pagkamatay ni Albuera Mayor Rolando Espinosa.

Nagsasalungatan ang pahayag ng tatlo kung sino ang nagpakilala sa isa’t isa upang maging bahagi ng transaksiyon sa drug money.

Giit ni Espinosa, si Espenido ang nagpakilala sa kanya kay Dayan at nagbigay ng cell phone number.

Ngunit itinanggi ito ni Dayan dahil ngayon lang aniya niya nakita ang Albuera police chief.

Habang sinabi ni Espenido, totoong nagkakausap sila sa cell phone ni Kerwin ngunit wala siyang ipinakikilala.

Binigyang-diin niyang Bible verse lang ang ipinadadala niya, sa pamamagitan text blast.

Para kay Drilon, dapat maparusahan ang nagsisinungaling, pati na ang posibleng nasa likod ng fabrication ng salaysay.

Statement paiba-iba
HIRIT NI PACQUIAO
CONTEMPT DAYAN

ISINULONG ni Sen. Manny Pacquaio na i-contempt si Ronnie Dayan.

Ayon kay Pacquiao, hindi siya kontento sa mga paiba-iba at kulang na mga impormasyong ibinibigay ni Dayan sa mga senador.

Dagdag ng fighting senator, kahit anong sagot ang gawin ni Dayan ay nakukulangan siya sa mga sinasabi sa pagdinig.

Sinang-ayonan ni Sen. Vicente Sotto ang mosyon ni Pacquiao at sinabi pang dapat sa Bilibid 14 ilagay si Dayan.

Gayonman, pumalag si Sen. Antonio Trillanes sa gustong mangyari nina Pacquiao at Sotto.

Ani Trillanes, dapat ay ipa-cotempt din ng Senado si Kerwin Espinosa dahil hindi magkatugma ang mga pahayag ng dalawa.

BATO, DE LIMA
NAGKAINITAN

NAGKAINITAN sa pagdinig ng Senado sina Sen. Leila de Lima at PNP chief Director General Ronald dela Rosa.

Nag-ugat ito sa tanong ni De Lima ukol sa nag-utos kay Dela Rosa para i-reinstate si Supt. Marvin Marcos sa puwesto sa kabila nang pagkakaugnay ng opisyal sa isyu ng ilegal na droga.

Iginiit ng PNP chief, nagsalita na sa isyung ito si Pangulong Rodrigo Duterte kaya ayaw na niyang magbigay pa ng mga pahayag.

Pero inobliga siya ni De Lima na sagutin ang tanong para sa ikalilinaw ng pagdinig.

Sa puntong ito, bahagyang tumaas ang boses ni Dela Rosa at nasabing palit sila ng puwesto ng senadora.

Ngunit sinabi ni De Lima, sagutin lang ang tanong dahil ito ang dahilan ng pagharap ng resource persons. Inawat sila ni Senate committee on public order and dangerous drugs chairman, Sen. Panfilo Lacson at nagpatuloy ang pagdinig.

About hataw tabloid

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply