Ayon mismo kay Juctice Secretary Vit Aguirre, mayroong nag-aalok ng P.2 milyon o P200,000 pataas bawat isang Chinese na nahuli sa Fontana Leisure Park & Casino, Clark Freeport, Pampanga.
Umabot sa 1,316 Chinese nationals ang nahuli riyan sa Fontana na may operation ang casino mogul na si Jacl Lam.
Ibig sabihin hindi kukulangin sa P263,200,000 milyones ang ihahatag, para mapalaya ‘yang 1,316 Chinese nationals na ‘yan.
‘E kung totoo ‘yang panunuhol na ‘yan, bakit naman kaya pinakawalan pa ni Secretary Aguirre?!
Bakit hindi niya agad ipinahuli sa National Bureau of Investigation (NBI)?!
Wala bang balak si Secretary Aguirre na sampolan ‘yang mga tsekwang ‘yan?
Hindi kaya naisip ni Secretary Vit na baka naglalaba na ng kuwarta ‘yang mga ‘yan mula sa ilegal na droga?!
Sana nilubos na ni Secretary Vit.
Sinudsod na sana niya ‘yang mga Chinese handler ‘manunuhol’ na ‘yan. Nang sa gayon ay ‘naitumba’ na rin niya ang sindikato ng human trafficker.
Secretary Vit, upakan mo na ‘yan!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
