Wala bang nakapapasok na illegal alien sa malalaking events na ginaganap sa bansa?!
Marami ang nakapapansin na dumarami ang mga nagtatanghal sa ating bansa na hindi natin nalalaman kung legal o illegal alien ba?
Gaya ng isang gaganaping show sa Rockwell sa Makati City.
Isang show ang gaganapin sa Rockwell sa December 10.
Ang front act ay kinabibilangan ng isang pamilya mula sa Nashville, USA at itatampok nila ang, Carpenters.
Guests nila ang local artists na kinabibilangan nina Mitch Franco, Mitch Smith, Noel Cabangon, Lou Bonnevie at ang Psalm of David Choral.
Wala sigurong problema sa local artists, pero ‘yung front act mula sa Nashville, mayroon ba silang working permit mula Bureau of Immigration (BI)?!
Commissioner Jaime Morente Sir, puwede bang pakibusisi ang mga show na inilulunsad sa ating bansa?!
Lalo na ‘yung mga hindi masyadong pansinin pero tumitiba sa ticket sales?!
‘Yun lang po.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
