Friday , March 1 2024

Pamilya ni Lee O’Brien, mamamanhikan na nga ba kay Pokwang?

KASAL na lang ang kulang kina Pokwang at sa American boyfriend na si Lee O’Brien pero sa January ay pupunta sa Pilipinas ang parents ng nobyo.

Kinilig siya sa tanong na mamamanhikan na ba ito? ”Ay, maganda ‘yung pamamanhikan, ‘di ba?” reaksiyon niya sa presscon  ng 8thanniversary ng Banana Sundae.

“Pero huwag mag-assume, masama ‘yun, ‘di ba? Enjoy lang kung anong mangyari,” dagdag ni Pokwang.

Noong Marso ay na-meet na raw niya ang parents ni Lee sa US at napabalita ngang pakakasal na sila.

Pero sabi ng komedyana, ang importante ay happy sila at ine-enjoy ang kanilang relasyon.

“Sa ngayon, masaya kami, enjoy-enjoy lang kami ngayon kung ano ‘yung mayroon kami ngayon. Sobrang masaya lang, ‘yun ang importante, walang stress. Nakakadagdag siya sa akin ng inspirasyon, alam mo ‘yun?

“Dati ang sungit-sungit ko sa trabaho ‘pag ano, eh. Pero ngayon, siyempre. . .Ano lang, tingnan natin sa January, pagdating ng mga pamilya rito,” sambit pa niya.

Pero, sinigurado ni Pokie na ‘pag nag-asawa na siya at magkaroon sila ng anak, hindi raw niya iiwan ang Banana Sundae.

“Sabi ko nga, ‘pag nagkaanak na kami, ‘yun ‘yung mga next batch, ‘yung mga anak-anak namin. Alam n’yo, hangga’t maaari, kahit ano pa siguro ang dumating kong proyekto rito sa ABS-CBN, hangga’t maaari ayoko pong mawala sa ‘Banana’. Gusto ko, rito ako.

“Siyempre, the more, the merrier trabaho, ako lalo, ang sakit sa likod ng tuition ng anak ko, eh. So, kailangan ko po ng maraming trabaho. Pero ang ‘Banana’, hindi ko po pwedeng bitawan. Hindi lang po dahil sa trabaho kundi dahil sa mga katrabaho,” bulalas pa niya.

Anyway, sa loob ng  walong taon, isang anniversary show ang kanilang gagawin sa Kia Theater sa Nov. 17 titled Banana Sund8.

Abangan ang pasabog na group production numbers ng Banana Sundae barkada na sina Angelica Panganiban, John Prats, Pokwang,  Pooh, Jayson Gainza, JC De Vera, Jessy Mendiola, Ryan Bang, Jobert Austria, Sunshine Garcia, Aiko Climaco, at Badjie Mortiz kasama pa ang surprise celebrity guests na sila mismo ang pumili.

Sa kabila ng pinagdaraanang mga pagbabago ng programa, nananatiling tinatangkilik ng manonood ang Banana Sundae. Ito ay consistent top-rater sa weekend at trending din sa social media dahil na rin sa hit segments tulad ng Hugot at Baby Luv at iba’t ibang spoof ng mga pinag-uusapang kaganapan sa politika at showbiz.

Ang programa ay idinidirehe ni Bobot Mortiz kasama ang segment director na si Jem Reyes, executive producer na si Rocky Ubana, creative manager na si Willy Cuevas, at headwriter na si Ricky Victoria sa ilalim ng business unit na pinamumunuan ni Reily Santiago.

Huwag palampasin ang two-part airing ng Banana Sunda8: The 8thAnniversary Special sa Nov 20 at 27, pagkatapos ng ASAP sa ABS-CBN.

ni ROLDAN CASTRO

About Roldan Castro

Check Also

Sheryl Cruz Analyn Barro Jo Berry

Sheryl at Annalyn nag-sorry bago saktan si Jo Berry

I-FLEXni Jun Nardo BAGO pa man saktan ng Kapuso artist na si Annalyn Barro si little persona  Jo …

Luis Manzano Jessy Mendiola Vilma Santos Ralph Recto Edu Manzano

Ate Vi, Ricky Lee binigyang pagkilala ng CCP at St. Paul-QC

I-FLEXni Jun Nardo HINANGAAN ang blended family nina Vilma Santos-Recto, asawang Sen. Ralph Recto, at anak na si Christian kasama …

Blind item gay male man

Young actor buking ni direk pagpapahada sa matandang showbiz gay

ni Ed de Leon PINAG-UUSAPAN nila ang isang matandang showbiz gay na para raw halimaw basta may …

Bea Alonzo Dominic Roque

Dahilan ng hiwalayan nina Bea at Dominic inilantad 

HATAWANni Ed de Leon NGAYON unti-unting lumalabas na ang ibang detalye. Kasalukuyan daw palang gumagawa …

Coco Martin Ricky boy

Karga-kargang bata ni Coco na si Ricky Boy may potensiyal sumikat

HATAWANni Ed de Leon MAY nakita kaming picture ng isang poging batang lalaki na karga-karga …

Leave a Reply

Your email address will not be published. Required fields are marked *