MADALAS na kapos sa boundary ang sinising dahilan kaya nagbigti ang isang 50-anyos jeepney driver sa abandonadong gusali ng MMDA sa Tondo, Maynila kahapon.
Kinilala ang biktimang si Danilo Baltazar, ng 1139 Vargas St., Tondo.
Sa imbestigasyon ni SPO3 Milbert Balinggan, ng Manila Police District-Homicide Section, dakong 6:39 am nang matagpuang nakabigti ang biktima sa fire exit ng abandondadong gusali ng MMDA sa Jose Abad Santos St. malapit sa Antipolo St., Tondo.
Sinabi ni Marites Cruz, dakong 6:00 pm kamakalawa nang huli niyang makitang buhay ang biktima nang kumain sa kanilang kantina. Balisa aniya ang biktima at kinakausap ang sarili.
Aniya, madalas hindi makapag-boundary ang biktima sa kanyang operator kaya palaging pinagsasabihan.
( LEONARD BASILIO )
