2 pusher todas sa buy-bust

PATAY ang dalawang lalaking hinihinalang mga drug pusher makaraan lumaban sa ikinasang magkahiwalay na buy-bust operation ng mga tauhan ng Manila Police District (MPD) sa Sampaloc, Maynila kamaka-lawa.

Sa ulat ni SPO1 Joseph Kabigting, ng MPD-Crimes Against Persons Investigation Section (CAPIS), nabatid na dakong 5:15 pm nang mapatay ng mga tauhan ng MPD, sa pangunguna ng District Anti-Illegal Drugs-Special Operations Task Group (DAID-SOTG), ang suspek na si Garizaldy Abia, tinatayang nasa 35-40-anyos, walang hanapbuhay, at residente ng 144-B Loreto Street, Sampaloc, Manila.

Samantala, ayon kay SPO2 Charles John Duran, ng MPD-CAPIS, dakong 11:30 ng gabi nang mapatay ng mga pulis ang suspek na si Rogelio Guanezo, 52, ng 1988 G. Perfecto Street sa Tondo.

( LEONARD BASILIO )