PATAY ang isang anti-smoke belching officer makaraan pagbabarilin ng hindi nakilalang riding-in-tandem suspects kahapon ng umaga sa Roxas Boulevard, Baclaran sa Pasay City.
Namatay noon din ang biktimang si Ramil Co, assistant team leader ng Anti-Smoke Belching Unit (ASBU) ng Pasay City Hall, residente sa 1770 F. B. Harrison St. ng lungsod.
Sa ulat ni Chief Inspector Rolando Baula, hepe ng Station Investigation and Detective Management Branch (SIDMB), nangyari ang insidente dakong 1:30 pm sa Roxas Boulevard, Brgy. 76 ng lungsod.
Ayon sa imbestigasyon, habang nagpapatupad ng operasyon ang grupo ni Co nang sumulpot ang motorsiklong walang plaka at pinagbabaril ang biktima.
( JAJA GARCIA )
