GENERALLY peaceful ang paggunita ng All Saints Day sa kalakhang Maynila.
Ito ang inisyal na pagtaya ni National Capital Region Police Office (NCRPO) director, Chief Supt. Oscar Albayalde.
Ayon kay Albayalde, wala silang nakukuhang impormasyon na mayroong mga insidente na naitala sa loob at labas ng mga sementeryo sa Metro Manila.
“It’s generally peaceful. Hopefully hanggang matapos hanggang hatinggabi mamaya or hanggang bukas magtuloy-tuloy, magiging peaceful sa lahat ng sementeryo dito sa NCR,” wika ni Albayalde.
Pahayag ni Albayalde, hindi nila inaasahan na magiging overcrowded ang tao sa mga sementeryo.
Sinabi ng heneral, batay sa kanilang monitoring, naghati ang mga tao na pumunta sa mga sementeryo dahil ‘yung iba ay ayaw makipagsiksikan.
Aniya, hanggang kahapon patuloy nilang mino-monitor ang situwasyon sa mga sementeryo.
