PATAY ang magkapatid na lalaki at isa pang hinihinalang tulak ng ilegal na droga makaraan lumaban sa mga pulis na nagsilbi ng search warrant sa Sta. Ana, Maynila nitong Sabado.
Hindi na umabot nang buhay sa pagamutan ang magkapatid na sina Jerson M. Colaban, 36, at Jossing M. Colaban, 30, gayondin ang isa pang suspek na si Joseph Baculi, nasa hustong gulang, pawang residente sa Oro Extension, Sta. Ana, Maynila.
Sa ulat ni SPO3 Milbert Balinggan, dakong 1:40 am, nagsilbi ang mga pulis ng search warrant sa bahay ng mga suspek ngunit agad silang nagbunot ng baril at nakipagpalitan ng putok sa mga awtoridad na nagresulta sa kanilang pagkamatay. ( LEONARD BASILIO )
