PATAY ang tatlong hinihinalang sangkot sa droga makaraan makipagbarilan sa mga pulis habang apat ang arestado sa buy-bust operation sa magkahiwalay na lugar sa Caloocan City.
Ayon kay Caloocan Police chief, Senior Supt. Johnson Almazan, dakong 4:30 am nang magsagawa ng buy-bust operation ang mga tauhan ng Police Community Precinct (PCP)-1 sa pangunguna ni PO3 Carlo Hernandez, kontra kina Markvinn Baldemo at Edmar Gandela, kapwa nasa hustong gulang, sa 84 Building Compound, McArthur Highway, Brgy. 81, ngunit nakatunog ang mga suspek kaya nakipagpalitan ng putok na nagresulta sa kanilang pagkamatay.
Dakong 9:15 pm nitong Biyernes ng gabi, nagsagawa ng buy-bust operation ang mga tauhan ng Caloocan Police SAID-SOTG sa pangunguna ni Insp. Cecilio Tomas, kontra sa suspected drug dealers sa Block 16, Lot 76, Pusit Alley malapit sa Dagat-Dagatan Avenue, Brgy. 12.
Naaresto sa operasyon sina Nova Cruz, 50, at Bernardino Palomo, 32, ngunit pumalag ang isa pang suspek na si Ryan Pareja kaya binaril ng mga pulis na kanyang ikinamatay.
Arestado rin sa operasyon ang dalawa pang mga suspek na sina Antonio Cruz, 20, at Milnard Galisio, 21-anyos.
( ROMMEL SALES )
