PATAY ang isa katao habang 23 sinasabing sangkot sa droga ang hinuli at 28 ang sumuko sa “One Time, Big Time” operation na isinagawa ng mga operatib ng Southern Police District (SPD) sa Taguig City kahapon.
Ayon kay Southern Police District Director, Chief Supt. Tomas Apolinario Jr., simulan nila ang operasyon dakong 5:00 am hanggang sa umabot ito ng tatlong oras sa PNR Site, Brgy. Lower Bicutan ng naturang lungsod.
Nakuha mula sa nahuling mga suspek ang dalawang baril, 22 plastic sachet ng shabu, walong motorsiklo, digital weighing scale at mga drug paraphernalia.
Nakapiit sa Taguig City Jail at nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang naarestong mga suspek. ( JAJA GARCIA )
