ANIM kabataang estudyante ang isinailalim sa drug test makaraang mabuko ng isang security guard ang isa sa kanila sa paghithit ng marijuana sa loob ng palikuran ng kanilang paaralan kamakalawa ng umaga sa Valenzuela City.
Dakong 10:30 am nang mapansin ng security guard na si Mark Villachua ng Malinta National High school, ang isang grade 7 student si alyas Jojo na lumabas mula sa comfort room ng mga babae.
Nang sitahin si Jojo ay nalanghap na amoy marijuana ang estudyante kaya dinala sa tanggapan ng guidance council upang imbestigahan.
Sa puntong iyon ay inamin ni Jojo na anim silang estudyanteng humithit ng marijuana sa loob ng palikuran. ( ROMMEL SALES )
