PATAY ang isang lalaking masahista makaraan pagbabarilin ng apat lalaking lulan ng dalawang motorsiklo kamakalawa ng gabi sa Payatas, Quezon City.
Malapitang pinagbabaril ang masahistang si Herman Cunanan ng mga suspek pasado 10:00 pm nitong Martes.
Pauwi na sana si Cunanan mula sa trabaho kasama ang partner na si “Alfred” nang maganap ang insidente.
Ayona kay Alfred, wala siyang alam na kaaway ng biktima. Nilinaw niyang dati ay tumikim si Cunanan ng droga ngunit matagal nang tumigil at nagbagong buhay.
